Temiryo‘l transportidan foydalanuvchilar soni bir yilda qariyb 1 mlnga ko‘paydi

Milliy statistika qo‘mitasi ma’lumotlariga ko‘ra, 2025 yilning yanvar–sentabr oylarida temiryo‘l transportida 8,1 milliondan ziyod yo‘lovchi tashilgan.

Rasmiy ma’lumotga ko‘ra, ushbu ko‘rsatkich 2024 yilning shu davriga nisbatan 957,2 ming nafarga oshgan.

Shuningdek, hisobot davrida temiryo‘l transporti orqali bir kunda o‘rtacha 29,8 ming nafar yo‘lovchi tashilgani qayd etilgan.

Kuzatilayotgan o‘sish temiryo‘l infratuzilmasini yangilash, qatnovlar qulayligini oshirish va aholining temiryo‘l transportiga bo‘lgan ishonchi ortib borayotganidan dalolat sifatida baholanmoqda.