Hafta oxirida iliq havo bo‘lishi kutilmoqda

Dam olish kunlari O‘zbekiston hududi bo‘yicha quruq va iliq ob-havo saqlanib turadi, deya xabar berdi O‘zgidromet.

Harorat kechasi 0…+5 daraja, shimolda ba’zi joylarda –2 darajagacha, kunduzi +13…+18 daraja atrofida bo‘ladi. Bu me’yoriy (o‘rtacha ko‘p yillik) qiymatlardan 2–4 darajaga yuqori.

Ba’zi joylarga tuman tushishi mumkin. Shamol sharqdan o‘rtacha esib turadi.

Toshkent shahrida yog‘ingarchilik kutilmaydi.

Harorat kechasi +4…+6 daraja, kunduzi +15…+18 daraja atrofida bo‘ladi. Shamol sharqdan 3–8 metr/soniya tezlikda esadi.