Uchtepa tumani hududidan o‘tuvchi Kichik halqa avtomobil yo‘lida navbatdagi ta’mirlash ishlari boshlanmoqda. Shu munosabat bilan yo‘l harakati xavfsizligini ta’minlash va ta’mir jarayonini to‘siqsiz amalga oshirish maqsadida vaqtinchalik cheklovlar joriy etilmoqda.
Ma’lum qilinishicha, Foziltepa ko‘chasi kesishmasidan Beshqayrag‘och ko‘chasi kesishmasigacha bo‘lgan yo‘l qismida 27 noyabr kuni soat 22:00 dan 1 dekabr kuni soat 22:00 gacha:
ushbu yo‘l uchastkasining bir yo‘nalishida bir tomonlama harakat vaqtincha cheklanadi;
ta’mirlash ishlari davomida transport vositalari harakatlanishi cheklangan tomonda to‘liq to‘xtatib turiladi.
Yo‘l harakatida yuzaga kelishi mumkin bo‘lgan noqulayliklarni kamaytirish maqsadida haydovchilarga:
oldindan muqobil yo‘nalishlarni tanlash;
yo‘l belgilari va vaqtinchalik yo‘l ko‘rsatkichlariga qat’iy amal qilish tavsiya etildi.
Mutasaddi idoralar ta’mirlash ishlari belgilangan muddatda yakunlanishi va yo‘l uchastkasida harakat qaytarilishi rejalashtirilganini ma’lum qilmoqda.
