“Hech kim bizga kredit bermasdi” - Jamshid Qo‘chqorov avvalgi ma’muriyat davridagi budjet profitsiti haqida

“Agar tarixni ko‘tarib ko‘rsangiz, bizda ko‘p yillar davomida profitsit bo‘lgan. U zo‘rmidi, degan savolga shu sohada ishlab kelayotgan odam sifatida yo‘q deb javob berishga majburman. Chunki o‘sha paytda profitsit bo‘lganining sababi shuki, budjet taqchilligini moliyalashtirishga hech kim bizga kredit bermagan. Men buni rasmiy aytishim mumkin: hech kim. Chunki islohotlar yo‘q edi, so‘m erkin konvertatsiya qilinmasdi, soliq siyosati... Umuman, oxirgi 8 yilda nimalar qilingan bo‘lsa, shular yo‘q edi. Shuning uchun ham hech kim bizga budjet taqchilligini moliyalashtirishga kredit bermasdi”, dedi vazir.

Qo‘chqorov deputatlarning “Taqchillik doimiy bo‘laverishi kerakmi?” degan savoliga quyidagicha javob berdi.

“Taqchillikning kattaligi yaxshi emas. Xalqaro valuta jamg‘armasining fikri ham shunday. 3 foiz defitsit ham nazariya ham mamlakatlarning amaliyoti. Bu davlat qarzining mo‘’tadil oshishini ta’mirlaydi, shu bilan birga defolt, bankrot degan holatlarga kelishga yo‘l qo‘ymaydi. Umuman olganda, taqchillik haqidagi berilgan savol juda ham o‘rinli. Qachonki mamlakatda iqtiosdiy o‘sish bo‘layotgan bo‘lsa, taqchillik o‘z vazifasini bajaryapti deb hisoblash mumkin. Taqchillik degani qo‘shimcha pul olib iqtisodiyotni rag‘batlantirish. Qarz olsakda, iqtisodiyot o‘smasa, bu noto‘g‘ri”, dedi Bosh vazir o‘rinbosari.