Rasmiy ma’lumotga ko‘ra, Interpolning Toshkent va Qohiradagi Milliy markaziy byurolari xodimlari o‘zaro hamkorlikda olib borgan izlanishlar va tezkor chora-tadbirlar natijasida qidiruvdagi shaxsning Misr hududida yashirinib yurgani aniqlangan. Shu asosda u qo‘lga olingan va belgilangan protsessual tartibda O‘zbekistonga qaytarilgan.
Ta’kidlanishicha, O‘zbekistonda olib borilayotgan islohotlar, jumladan, huquqni muhofaza qiluvchi organlarning xorijiy davlatlar bilan jinoyatchilikka qarshi kurashish sohasidagi keng qamrovli hamkorligi o‘zining amaliy va ijobiy natijalarini bermoqda.
Ma’lum qilinishicha, O‘zbekistonga deportatsiya qilingan shaxs sodir etgan jinoyati uchun qonun oldida javob beradi.
Interpolning O‘zbekistondagi Milliy markaziy byurosi o‘z faoliyati doirasida xalqaro qidiruvdagi shaxslarni aniqlash, qo‘lga olish va ularni javobgarlikka tortish ishlarini xorijiy hamkor tuzilmalar bilan hamkorlikda davom ettirmoqda.
