O‘zbekistonda xorijiy OTMlar soni 30 taga yetdi

2024/2025 o‘quv yili boshida O‘zbekistonda faoliyat yuritayotgan oliy ta’lim tashkilotlarining umumiy soni (filiallar bilan birga) 222 tani tashkil etgan. Shundan 30 tasi – xorijiy OTMlardir.

Milliy statistika qo‘mitasining ma’lum qilishicha, 222 ta oliygohda 1 432 810 nafar talaba tahsil olmoqda.

Talabalarning ta’lim shakli bo‘yicha taqsimoti quyidagicha:

• kunduzgi ta’lim shakli – 707 287 nafar
• sirtqi ta’lim shakli – 673 424 nafar
• kechki ta’lim shakli – 52 099 nafar

Avvalroq Andijon davlat tibbiyot institutida talabalarning ijara kompensatsiyasi bilan bog‘liq muammo chiqqani, buning ortidan mas’ullarga intizomiy jazo qo‘llangani xabar qilingandi.