«Real» «Siti»ga yutqazdi, «Arsenal»da yana yirik ğalaba. Kun öyinlari
|16:57 / 11.12.202514 87820 min
«Arsenal» 100 foizlik körsatkiç bilan amalda pley-offni hal qildi, «PSJ» gol urolmadi. Çorşanba oqşomida YeÇLning 6-turi doirasidagi asosiy voqealar, öyinlardagi gollar va turnir jadvalidagi vaziyat.
Foto: Jose Breton/Getty ImagesFoto: Jose Breton/Getty Images
«Real»da qulaşda davom etdi, bu safar jamoa öz uyida «Mançester Siti»ga yutqazdi – 1:2.
Habi Alonsoni töğri tuşuniş mumkin, hozirda «Real» mudofaasi ayançli körinişda qolgan – Militao, Hausen, Karvahal, Trent va Mendi jarohatlangan. Natijada Alonso markaziy himoyada Ryudigerga yoş Asensioni şerik qilib tuşirdi, zaxira örindiğida ötirgan Martines va Valdepenyas kabi futbolçilarni jamoa muxlislari ham tanimasdi. Hujumda esa bundan ham jiddiyroq yöqotiş bor edi, Kilian Mbappe öyindan bir kun oldin oyoğida oğriq his qildi va maşğulotlarni ham ötkazib yubordi, öyin kuni esa zaxira örindiğida qoldirildi. Uning örniga hujumda klublar örtasidagi jahon çempionatida porlagan, lekin şundan buyon öyin amaliyotiga ega bölmayotgan Gonsalo Garsiyani tuşirişga töğri keldi.
Şunga qaramay, mezbonlar öyinni hujumkor boşlagan va tezkor gol urişi mumkin edi. Öyinning 2-daqiqasidayoq boş hakam Kleman Tyurpen avvaliga mehmonlar darvozasiga penalti belgiladi, ammo VAR uning xatosini tuzatdi: videotakrorda Mateuş Nuneş Vinisiusni jarima maydoni taşqarisida yiqitgani ma’lum böldi. Mezbonlar hujumkorlikni davom ettirişdi, 28-daqiqada esa «Siti»ga qarşi öyinlarda porlaydigan Rodrigo yana özini körsatdi.
Braziliyalik vinger bungaça qatorasiga 32 öyinda (mart oyidan buyon) gol ura olmagandi, lekin özi uçun sevimli bölgan raqibga qarşi öyinda bu seriyasini buzişga qaror qildi.
Ötkazib yuborilgan gol «Siti»ga ijobiy ta’sir körsatdi va darhol javob qaytarildi. Gol burçak zarbasidan keyin urildi: Gvardiol töp uçun kuraşda Bellinghemdan ustun keldi va boş bilan zarba yölladi, Kurtua töpni qaytardi, ammo töpga birinçi bölib ÖRayli yetib keldi.
43-daqiqada esa mezbonlar darvozasi tomon penalti belgilandi: Antonio Ryudiger jarima maydoni içida Erling Holandni uşlab qoldi. 11 metrlik nuqtaga yaqinlaşgan Erling zarbani aniq ijro etdi.
Mavzuga oid
Şundan keyin «Real» oçiqçasiga soçilib ketdi va faqat Kurtuaning seyvlari jamoani yirik mağlubiyatdan qutqarib qoldi.
Ikkinçi bölimda öyin qarama-qarşi kurslarda keçdi. «Real» va «Siti» navbati bilan hujum uyuştirdi, ammo şunday xaotik öyinda ham madridliklar vaziyatni öz tomoniga oğdira olmadi. «Siti» asosan Dokuning qanotidan oldinga ötdi va ikkinçi bölimda ham Kurtua Doku va Şerkining murakkab zarbalarini qaytarib, jamoasini öyinda olib qoldi.
Mezbonlarda ham bir neça yaxşi vaziyatlar böldi, ammo Bellinghem va Vinisiusga qulay pozitsiyalardan zarba berişda aniqlik yetişmadi. Öyin oxirlarida, Alonso va-bankka qöl urib, Endrikni ham maydonga tuşirganida esa Vini superimkoniyatni yöqqa çiqardi – u olis ustun yaqinida turib töğri zarba berolmadi. Endrikning boşda yöllagan zarbasidan keyin esa töp tösinga tegib, maydondan çiqib ketdi. «Real» öyinni ajablanarli statistika bilan yakunladi: jamoa öyin davomida jami 16 bor zarba berdi va şundan faqat bittasi (Rodrigoning goli urilgan vaziyatda) darvoza sohasiga töğri bordi.
● «Real» sönggi sakkiz öyinda atigi ikki ğalabaga erişgan: bu oraliqda «Liverpul» va «Selta» kabi klublardan ham yutqazdi, yana uç öyinda durang öynadi.
● «Mançester Siti» «Real»ni 2023 yildan buyon sönggi beş öyinda ilk bor mağlub etdi.
● Holandning goli – YeÇLdagi 55-gol böldi. U turnirdagi öyinlari sonidan gollari soni köproq bölib turgan yagona futbolçi.
Keyingi turda «Real» «Monako»ni qabul qiladi, «Siti» Holandning vataniga safar qilib, «Bude-Glimt» mehoni böladi.
Tarkib borasida muammolarga uçrayotgan Arteta YeÇLdagi vaziyat yengilroq ekanini hisobga olib, «Bryugge»ga qarşi aralaş tarkibni tuşirdi. Saka, Eze, Rays, Timber, Kalafiori kabi yetakçilarga dam berildi, yarimhimoyaçi Norgar esa markaziy himoyada tuşdi.
Yaqinda murabbiyni almaştirgan mezbonlar esa öyinga katta iştiyoq bilan tuşişgandi va qator vaziyatlarga ega böldi, ammo David Rayya işonçli harakat qildi. Bölim örtalarida esa şu kuni Saka örnida öng qanot hujumida tuşgan Noni Madueke şedevr gol muallifiga aylandi. U maydon markaziga yaqin hududda töpni egallab, jarima maydoni atrofigaça bordi va qaytarib bölmas zarba yölladi.
Şundan keyin «Arsenal» öyinni xotirjam nazorat qildi. Ikkinçi bölim boşida avvaliga Madueke dublni rasmiylaştirdi, 56-daqiqada Gabriel Martinelli turnirda qatorasiga beşinçi öyinda gol urib, hisobni yiriklaştirdi. Öyin taqdiri hal bölgaç, Arteta uzoq vaqt (qariyb bir yil) jarohatini davolagan Gabriel Jyezusni, şuningdek, 16 yoşli himoyaçi Marli Salmonni ham maydonga tuşirdi. Rayya esa öyin oxirigaça 7 ta seyv amalga oşirib, darvozasi daxlsizligini saqlab qoldi.
● «Arsenal» APLda «Aston Villa»ga qarşi öyinda qayd etilgan 1:2 hisobidan keyin öziga kelib olganini namoyiş etdi. Jamoa öşa mağlubiyatgaça uç oy davomida mağlubiyat nimaligini bilmagan (18 öyin), ammo sobiq boş murabbiyi Unai Emeridan yana bir bor yengilib (5), turnir jadvalida ta’qibçilarini yaqinlaştirib olgandi. Ammo Mikel Arteta bosimni yengib öta oldi.
● «Arsenal»ning YeÇLdagi işlari ideal darajada: olti ğalaba, 18 oçko va töplar nisbati 17:1. Hozirça umuman oçko yöqotilmayapti va amalda keyingi bosqiç masalasi hal qilindi.
● Gabriel Martinelli YeÇLda özi tuşgan qatorasiga beş öyinda gol urdi. Bunaqasi «Arsenal» tarixida kuzatilmagan: u «Atletik Bilbao», «Olimpiakos», «Atletiko», «Bavariya» va «Bryugge»ga qarşi öyinlarda golli seriya qayd etdi.
Keyingi turda «Arsenal»ni «Inter» maydoniga qiyin safar kutmoqda; «Bryugge» Qozoğistonda «Qayrat» mehmoni böladi.
«PSJ» 90 daqiqa davomida «Atletik» darvozasiga yöl topa olmadi va YeÇLda ikkinçi bor oçko yöqotdi (avvalroq «Bavariya»ga yutqazgandi – 1:2). Umuman olganda, parijliklar bu mavsumda barqaror öyin namoyiş eta olmayapti, noyabr oyida içki çempionatda bir kişi kam bölib öynagan «Monako»ga yutqazgan (0:1), YeÇLda «Tottenhem»dan uçta gol ötkazib yuborgandi (5:3). Hozirça Luis Enrike şogirdlari YeÇL turnir jadvalida 13 oçko bilan kuçli sakkizlikda qolmoqda, ammo endi qolgan ikki turda «Sporting» va «Nyukasl»ga qarşi öyinlarning ahamiyati ortib ketdi.
Hozirgi «Yuventus»ga heç qaysi öyinda işonib bölmaydi. Öyinning birinçi bölimida turinliklar faqat darvozabon Di Gregorioning qahramonliklari evaziga gol ötkazmadi. Kiprliklar muntazam ravişda xavfli qarşi hujumlar uyuştirişdi, bu hujumlardan biri Andersonning zarbasi ustunga borişi bilan yakunlandi, yana bir hujumda darvozabon Dragomirning zarbasidan keyin tösin ostiga borayotgan töpni qaytarib qoldi.
Ammo ikkinçi bölimda vaziyat özgara boşladi. Fransişku Konseysau zaxiradan tuşişi «Yuve»ning öyinini kuçaytirdi va 67-daqiqada David Luiz boşçiligidagi mehmonlar himoyasi baribir gol ötkazib yubordi: Kambiyazoning uzatmasidan keyin Makkenni hisobni oçdi. Olti daqiqa ötib Kenan Yildiz Devidni darvozabon bilan yakkama-yakka vaziyatga çiqardi va şu bilan öyin taqdiri hal böldi.
Keyingi turda «Yuventus» «Benfika»ni qabul qiladi, «Pafos» «Çelsi»ga qarşi safar öyiniga boradi – bu David Luiz uçun muhim öyin bölişi tayin.
«Bayyer» uyda «Nyukasl» bilan durang öynadi – 2:2. Öyin qarama-qarşi kursda keçdi va yakuniy natija öyinga mos böldi.
Nemislar 13-daqiqadayoq hisobni oçişdi: Robert Andrix burçakdan oşirilgan töpga u qadar muvaffaqiyatli zarba bera olmagandi, ammo töp mehmonlar sardori Bruno Gimaraesning orqasiga tegib, darvoza töriga yöl oldi. «Bayyer» şundan keyin ham hujumkor öynaşda davom etdi, «Nyukasl» esa odatdagi kabi safar öyinida qiynaldi.
Ammo tanaffusdan keyin darvozabon Mark Flekken Eddi Hau şogirdlari joniga ora kirdi: u oddiy vaziyatda töpni yöqotdi va raqib forvardi Nik Voltemadega qöpollik işlatişga majbur böldi. Entoni Gordon esa bu fol uçun belgilangan penaltini aniq ijro etdi.
Şundan keyin «Nyukasl» taşabbusni qölga oldi va vaziyat yaratiş borasida mezbonlardan özib ketdi. Bu hisobda ham aks etdi va 74-daqiqada Mayli Gordonning uzatmasini golga aylantirib, jamoasini hisobda oldinga olib çiqdi. Mehmonlar öyin taqdirini hal qilib qöyişi mumkin edi, ammo Flekken aybini yuvdi va muqarrar goldan qutqardi, yana bir vaziyatda töp darvoza ustuniga tegdi. 88-daqiqada esa mezbonlar himoyaçisi Grimaldo yana bir bor katta sahnaga çiqib, hisobni tenglaştirdi. «Bayyer» xarakter körsatdi va muhim oçkoga ega böldi.
Keyingi turda «Bayyer» «Olimpiakos» mehmoni böladi, «Nyukasl» öz uyida PSVni qabul qiladi.
«Da Luj»dagi öyinning birinçi bölimi boşida ikki murabbiyda ham maydonda bölayotgan voqealar uçun haqli e’tirozlar yuzaga keldi. Antonio Konte öz şogirdlarining bu qadar ilojsiz holda qolganini tuşana olmasdi, Joze Mourinio esa «Benfika» futbolçilari vaziyatlarni kökka sovirişidan fiğoni falakka çiqardi. Xususan, şu kuni markaziy hujumçi pozitsiyasida tuşgan Ivanoviç mehmonlar darvozaboni Milinkoviç-Saviç bilan yakkama-yakka vaziyatdan foydalana olmadi.
Ammo bölim örtalarida mezbonlar baribir hisobni oçişdi, Ivanoviç «Napoli» jarima maydonida ikkinçi qavatda töp uçun kuraşda Maktominaydan ustun keldi va qulay pozitsiyada özini taklif etgan Riosni golli pas bilan ta’minladi. Ikkinçi bölim ham uşbu kolumbiyalik yarimhimoyaçining golli harakati bilan boşlandi, uning qanotdan uzatmasini Leandru Barreyru darvoza töriga töğrilab yubordi – 2:0. Mourinio asta-sekinlik bilan lissabonliklarning holatini yaxşilamoqda (oxirgi ikki turda ikki ğalabaga erişgan jamoa turnir jadvalining quyi qismidan 25-öringa kötarildi). YeÇLdagi barça safar öyinlarida yutqazayotgan (bungaça «Siti» bilan 0:2, PSV bilan 2:6 hisoblari qayd etilgandi) «Napoli» esa 23-öringa quladi va bu tempda ötiş öyinlariga ötiş imkoniyatini qöldan çiqarişi mumkin.
Keyingi turda «Napoli» «Kopenhagen» mehmoni böladi, «Benfika» «Yuventus» maydoniga safar qiladi.
Dortmundliklar kutilmaganda öz uyida «Bude-Glimt» bilan durang öynadi – 2:2. Holbuki barçasi yaxşi boşlangandi: 18-daqiqada mezbonlar ikkita pas bilan «Bude» himoyasini yorib ötib, Yulian Brandt hisobni oçgandi. Tanaffus arafasida esa muammolar boşlandi, avvaliga «Borussiya» jarohat tufayli Valdemar Antonni yöqotdi. Keyin esa norvegiyaliklar hisobni tenglaştirişdi.
Bu holatni esa jamoaning sobiq futbolçisi va sodiq fanati Marko Roys tribunada ma’yus holda kuzatib ötirdi.
Ikkinçi bölim ham nemislar uçun yaxşi boşlandi: 51-daqiqada Brandt dubl rasmiylaştirdi, keyin esa yana bir neça golli vaziyatlar yaratildi, ammo şu kuni darvozabon Nikita Xaykin işonçli harakat qildi. Keyin esa «Bude» yana bir bor hisobni tenglaştirdi – vinger Yyens Heuge öz nomini tabloga yozdirib qöydi. Qolgan vaqt mobaynida mehmonlar matonat körsatişdi va durang hisobni uşlab qolişdi. Bunday Xaykinning xizmatlari katta böldi: «Bude» darvozaboni yetti bor muqarrar goldan qutqardi.
Natijada «Borussiya» kuçli sakkizlikni tark etdi, Niko Kovaç şogirdlarini keyingi turda «Tottenhem» maydoniga qiyin safar kutmoqda.
«Kopenhagen» bungaça yevrokuboklarda biror marta ham ispan jamoalarini mağlub etolmagandi: tört durang va sakkiz mağlubiyat. Ammo bu safar daniyaliklar «Vilyarreal» bilan öyinda noxuş an’anaga barham berdi. «Sariq submarinalar» bu mavsum La ligada qançalik muvaffaqiyatli iştirok etayotgan bölsa («Atletiko»dan oldinda va zaxira öyinda ğalaba qozonib, «Real»ni ham quvib ötişi mumkin), YeÇLda şunçalik yomon öynamoqda.
Marselino Toral şogirdlariga bu turda nisbatan osonroq raqib duç kelgandi, lekin 71-soniyadoq gol ötkazib yuborildi. Ikkinçi bölim boşida hisob tenglaştirildi, ammo mezbonlarning quvonçi uzoqqa çözilmadi va bir daqiqa ötib Aşuri yana mehmonlarni hisobda oldinga olib çiqdi. Mezbonlar şundan keyin ham öyinga qayta olişdi va 56-daqiqada Oluvaseyi muvozanatni tikladi. Ammo «Kopenhagen» 90-daqiqada baribir ğalaba golini urib ketdi. Natijada 6 turda atigi bir oçko olgan ispanlar «Qayrat» bilan oxirgi örinlarni bölişib turibdi. «Kopenhagen» esa 24-öringa kötarildi va ötiş öyinlari uçun imkoniyat saqlab turibdi. «Vilyarreal» keyingi turda «Ayaks»ni, «Kopenhagen» «Napoli»ni qabul qiladi.
«Qoraboğ» öyin davomida ikki bor hisobda oldinga çiqib oldi, ammo baribir inqirozdagi «Ayaks»ni mağlub etolmadi. Amsterdamliklar bungaça YeÇLning beş turida ham yutqazgandi. Va ular faqat 79-daqiqaga borib öyinda buriliş yasadi va öyin yakunida 1:2 hisobi 4:2 körinişiga keltirildi. Oskar Gluh ikkita gol bilan öyin taqdirini hal qildi. Natijada YeÇLda 1135 kundan buyon ilk ğalabasiga erişgan «Ayaks» Niderlandiyaning turnir guruh bosqiçida qatorasiga olti öyinda yutqazgan ilk jamoasi bölişdan qutulib qoldi. Dastlabki turlarda sensatsiya kötargan «Qoraboğ»ning vaziyati esa yomonlaşmoqda. Jamoa hozirça ötiş öyinlariga yöllanma oliş imkoniyatini saqlab turibdi, ammo keyingi turlarda «Ayntraxt» (uy) va «Liverpul» (safar) kabi kuçli raqiblar kutmoqda.
