Toshkent shahar Olmazor tumani Soliq inspeksiyasining bosh inspektorlari eshik va romlar ishlab chiqaruvchi oilaviy korxonada tekshiruv o‘tkazib, go‘yoki korxona har oyda kam miqdorda soliq to‘lab kelayotganini bahona qilgan. Ular to‘lanmagan soliqlar uchun jarima qo‘llamaslik evaziga tadbirkordan 10 million so‘m talab qilgan.
Davlat xavfsizlik xizmatining Toshkent shahar bo‘yicha boshqarmasi hamda Iqtisodiy jinoyatlarga qarshi kurashish departamenti hamkorligida o‘tkazilgan tezkor tadbir davomida soliq inspektorlari so‘ralgan pul mablag‘ini olgan vaqtida ashyoviy dalillar bilan ushlangan.
Hozirda ularga nisbatan O‘zbekiston Jinoyat kodeksining 210-moddasi (pora olish) 2-qismi “v”, “g” bandlari bilan jinoyat ishi qo‘zg‘atilib, “qamoq” ehtiyot chorasi qo‘llangan.
Tergov harakatlari olib borilmoqda.
