Kasbiy ta’lim tashkilotlarini akkreditatsiya qilishda baholash indikatorlari tasdiqlandi

Hujjatga muvofiq, kasbiy ta’lim tashkilotlarini kompleks davlat akkreditatsiyasidan o‘tkazish jarayonida 7 ta yo‘nalish doirasida 37 ta mezon bo‘yicha jami 203 ta indikator qo‘llanadi. 

Shundan:

• 12 ta (5,9 foiz) majburiy indikator;
• 191 ta (94,1 foiz) umumiy indikator belgilangan bo‘lib, ular «muvofiq» yoki «muvofiq emas» tarzida baholanadi. 

Baholash tartibiga ko‘ra:

• indikatorlarning 50 foizgacha qismi «muvofiq» bo‘lsa — mezon «muvofiq emas»;
• 50 foiz–60 foiz bo‘lsa — mezon «qisman muvofiq»;
• 60 foiz va undan yuqori bo‘lsa — mezon «muvofiq» deb topiladi. 

Qayd etilishicha, majburiy indikator «muvofiq emas» deb baholansa, umumiy natijadan qat’i nazar, tegishli mezon ham «muvofiq emas» deb topiladi.