Oliy ta’lim xizmatlari ta’lim bozorining deyarli yarmini egalladi

Milliy statistika qo‘mitasi ma’lumotlariga ko‘ra, hisobot davrida ta’lim sohasidagi bozor xizmatlari hajmi 34,2 trln so‘mga yetgan. Bu ko‘rsatkich 2024 yilning mos davri bilan taqqoslaganda 8,8 foizga o‘sgan.

Shu bilan birga, ta’lim sohasida ko‘rsatilgan mazkur xizmatlar hajmi mamlakatda jami ko‘rsatilgan bozor xizmatlari umumiy hajmining 3,7 foizini tashkil etgani ma’lum qilindi.

E’tiborli jihati, ta’lim xizmatlari tarkibida oliy ta’lim sohasi ustunlik qilib, umumiy hajmdagi ulushi 46,8 foizni tashkil etgan. Bu esa ta’lim bozorida xizmatlar ko‘lami bo‘yicha deyarli har ikki so‘mning biri oliy ta’lim hissasiga to‘g‘ri kelayotganini anglatadi.

Milliy statistika qo‘mitasi ma’lumotlarida qayd etilishicha, ta’lim xizmatlari hajmi va unda oliy ta’lim segmentining yuqori ulushi ta’limga bo‘lgan talab hamda sohadagi xizmatlar ko‘lami kengayayotganini aks ettiradi.