Yunusobod tumanida uchta mashina ishtirokida YTH sodir bo‘ldi

14 yanvar kuni Toshkent shahri Yunusobod tumanida uchta avtomashina to‘qnashuvi bilan bog‘liq yo‘l-transport hodisasi qayd etildi. Hodisa oqibatida jabrlanganlar yo‘q.

Foto: Ijtimoiy tarmoqlar

Joriy yilning 14 yanvar kuni soat 18:50 larda Yunusobod tumani Abdulla Qodiriy 2-darajali ko‘chasida 3 ta avtomashina ishtirokida yo‘l-transport hodisasi sodir bo‘lgan. Hodisada 1997 yilda tug‘ilgan M.A. boshqaruvidagi Malibu-2, 1965 yilda tug‘ilgan F.A. boshqaruvidagi KIA, hamda 1991 yilda tug‘ilgan Q.S. boshqaruvidagi Cobalt rusumli avtomashinalar to‘qnashgan.

Ma’lum qilinishicha, YTH oqibatida tan jarohati olganlar yo‘q.

Mazkur holat yuzasidan Toshkent shahar IIBB YHXB tomonidan surishtiruv harakatlari olib borilmoqda.

Yo‘l harakati xavfsizligini ta’minlash maqsadida barcha qatnashchilardan yo‘l harakati qoidalariga qat’iy rioya qilish so‘raldi.