Bugun ayrim hududlarda kuchli shamol kuzatilishi mumkin

Bugun, 21 yanvar kuni Qoraqalpog‘iston Respublikasi, Xorazm, Buxoro, Navoiy, Toshkent, Qashqadaryo va Surxondaryo viloyatlarining ayrim joylarida shamol tezligi 13–18 m/s gacha kuchayishi ehtimoli bor.

Foto: Ijtimoiy tarmoqlar

Kuchli shamol ayrim hududlarda chang-to‘zon ko‘tarilishi, ko‘rish masofasi pasayishi va yo‘l harakatiga salbiy ta’sir ko‘rsatishi mumkin. Shu munosabat bilan aholi va haydovchilardan ehtiyotkorlik choralariga qat’iy rioya qilish so‘ralmoqda.

Tavsiyalar:

yengil konstruksiyali buyumlar, reklama bannerlari, tom qoplamalari va boshqa moslamalarni mustahkamlab qo‘yish;
daraxtlar, elektr simlari, reklama shchitlari hamda eski inshootlar yonida uzoq turmaslik;
avtomashinalarni daraxt ostiga va yengil konstruksiyalar yaqiniga qo‘ymaslik;
yo‘lda masofani saqlash, keskin manyovrlardan tiyilish, yuqori tezlikda harakat qilmaslik.

Toshkent shahrida kunduzgi soatlarda havo asosan bulutli bo‘lishi kutilmoqda.