Sud “Moskva” kreyseriga qilingan hujumda 20 kishi halok bo‘lganini tan oldi

Sud matbuot bayonotiga ko‘ra, “Moskva” kreyseriga hujum vaqtida ekipajning 20 a’zosi halok bo‘lgan, yana 24 kishi yaralangan, 8 kishi bedarak yo‘qolgan deb hisoblanadi. Sud matbuot xizmati xabarida aytilganidek, dengizchilarning halok bo‘lishi portlash, yong‘in va tutunlanish oqibatida sodir bo‘lgan, shu jumladan, kemani saqlab qolish (yaroqliligini ta’minlash) uchun kurash jarayonida ham — bu kurash 6 soatdan ortiq davom etgan.

“Mediazona” ta’kidlaganidek, ushbu ma’lumotlar keltirilgan press-reliz e’lon qilinganidan ko‘p o‘tmay sud saytidan o‘chirib tashlangan. O‘sha xabarda “Admiral Essen” fregatiga zarba natijasida 1 kishi yaralangani ham ko‘rsatilgan edi.

Bungacha Rossiya rasmiylari “Moskva” kreyserida halok bo‘lganlar soni haqida rasmiy ma’lumot e’lon qilmagan.

Hodisadan keyin Rossiya Mudofaa vazirligi kreyser o‘q-dorilar detonatsiyasiga sabab bo‘lgan yong‘in natijasida cho‘kkanini bildirgan edi.

Ukraina manbalari esa kema “Neptun” turidagi ikkita kemalarga qarshi raketa bilan urib tushirilganini aytgan.

2022 yil kuzida Sevastopoldagi sud harbiy qism qo‘mondoni va ota-onalar arizalari asosida “Moskva”da xizmat qilgan 17 dengizchini halok bo‘lgan deb topgan edi. Ulardan ayrimlari muddatli harbiy xizmatchilar bo‘lgan.