Qattiq qor yoğişi, muzli yomğir va keskin sovuq bilan keçayotgan böron mamlakatning janubidan şimol-şarqiga tomon harakatlanmoqda. U Texasdan tortib Şimoliy Karolinagaça bölgan hududlarga, şuningdek Şarqiy sohildagi yirik şaharlarga — Vaşington va Nyu-Yorkni ham qöşib zarar yetkazgan.
AQŞ Milliy meteorologiya xizmati muzlab qolgan yöllar va piyodalar yölaklari sababli harakatda jiddiy çeklovlar bölişi haqida ogohlantirdi. Uning prognoziga köra, qor yoğişi va muzli yomğir oqibatlari hafta örtalarigaça saqlanib qoladi.
Nyu-Yorkda şahar meri ma’lumotiga köra, kamida beş kişi köçada ölik holda topilgan. Ölim sabablari hali rasman aniqlanmagan, biroq hokimiyat öta sovuq harorat ayniqsa uysizlar uçun xavfli ekanini ta’kidlagan.
Luiziana ştatida rasmiylar ikki erkak, ularning ma’lumotiga köra, sovqotiş (gipotermiya)dan vafot etganini bildirgan.
Şimoliy ştatlarda sinoptiklar havo harorati minus 45 darajagaça tuşişi mumkinligini, bu yaqin kunlarda saqlanib, hayot uçun xavf tuğdirişini ogohlantirgan.
PowerOutage xizmati ma’lumotlariga köra, 1 milliondan ortiq uy xöjaligi, asosan mamlakat janubida, elektrsiz qolgan. Tennessida uzilişlar 330 mingdan ortiq uyga, Missisipida 170 mingdan ortiq uyga, Luizianada 140 mingdan ziyod uyga, Texasda esa 90 mingdan ortiq uyga ta’sir qilgan.
Milliy meteorologiya xizmati elektr ta’minotini tiklaş ança vaqt olişi mumkinligini aytgan, şuningdek daraxtlar şikastlanişi xavfi yuqori ekani va yöllardagi şaroit öta xavfliligini qayd etgan.
Aviaqatnov ham qattiq izdan çiqqan. Vaşington, Filadelfiya va Nyu-York aeroportlarida deyarli barça reyslar bekor qilingan. FlightAware ma’lumotiga köra, butun mamlakat böylab taxminan 15 000 ta reys bekor qilingan.
AQŞ içki xavfsizlik vaziri Kristi Noem avvalroq yaqinlaşayotgan siklonni “tarixiy” deb atab, uning kölami haqida ogohlantirgan.
AQŞ prezidenti Donald Tramp fuqarolarni ehtiyot bölişga va issiqda qolişga çaqirgan. U Truth Social ijtimoiy tarmoğidagi xabarda şu fursatdan foydalanib, iqlim özgarişi va global isiş mavjudligi haqida yana şubha bildirgan.
Bu havo holati qutb girdobi deformatsiyasi bilan boğliq: şuning natijasida Arktika havosi ança janubga siljib ketgan. Bir qator olimlar bunday hodisalarning tez-tez takrorlanişi iqlim özgarişi bilan boğliq bölişi mumkin, deb hisoblaydi.
