Milliy statistika qömitasining dastlabki ma’lumotlariga köra, xizmat turlari böyiça ösiş sur’atlari quyidagiça şakllangan:
- moliyaviy xizmatlar — 124,6 foiz;
- aloqa va axborotlaştiriş xizmatlari — 122,7 foiz;
- ijara xizmatlari — 119,1 foiz;
- savdo xizmatlari — 113,8 foiz;
- me’morçilik, muhandislik sohasidagi xizmatlar — 113,5 foiz;
- köçmas mulk bilan boğliq xizmatlar — 113,1 foiz;
- soğliqni saqlaş sohasidagi xizmatlar — 114,2 foiz;
- boşqa xizmatlar — 112,8 foiz;
- kompyuter va maişiy tovarlarni ta’mirlaş — 112,3 foiz;
- şaxsiy xizmatlar — 112,3 foiz;
- transport xizmatlari — 110,8 foiz;
- yaşaş va ovqatlaniş xizmatlari — 110,4 foiz;
- ta’lim sohasidagi xizmatlar — 110,4 foiz.
Ijara xizmatlarining 119,1 foizga ösişi biznes va aholi tomonidan mulkdan foydalaniş, ofis va savdo maydonlari, logistika hamda maişiy ehtiyojlar uçun ijaraga bölgan talab ortgani bilan izohlanişi mumkin. Şuningdek, savdo xizmatlarida 113,8 foizlik ösiş içki bozorda aylanma va xizmat körsatiş zanjirlarining kengayişi, çakana savdo faolligi oşişi bilan boğliq bölişi ehtimoli bor.
Köçmas mulk bilan boğliq xizmatlar (113,1 foiz)dagi ösiş esa köçmas mulk bozoridagi harakatçanlik, rieltorlik, boşqaruv, baholaş, yuridik hamrohlik kabi qöşimça xizmatlarga ehtiyoj ortganini körsatadi. Uşbu yönalişlardagi faollik xizmatlar bozorining umumiy ösişida muhim “drayver” sifatida körinayotgani ta’kidlanmoqda.
Şu bilan birga, yil davomida moliyaviy (124,6 foiz) hamda aloqa va axborotlaştiriş (122,7 foiz) xizmatlari eng yuqori sur’atlar bilan ösgan. Bu tendensiya raqamlaştiriş jarayonlari, onlayn xizmatlar kölami va moliyaviy infratuzilmaning kengayişi xizmatlar sektoridagi özgarişlarni tezlaştirayotganini anglatadi.
