Qoʻshimcha funksionallar
-
Tungi ko‘rinish
Benzinga naqd pulda to‘lov to‘xtatiladi
Avtomobillarga yonilg‘i quyish shoxobchalari 2026 yil 1 apreldan ko‘rsatilgan xizmatlar uchun to‘lovlarni faqat naqdsiz shaklda qabul qilishi lozim. Bu prezident farmonida belgilangan.
O‘zbekistonda 2026 yil 1 apreldan boshlab bir qator to‘lovlar faqat naqdsiz shaklda qabul qilinadi. Bu prezidentning 2025 yil 10 dekabrda imzolangan «Naqdsiz hisob-kitoblarni ommalashtirish va yashirin iqtisodiyot ulushini qisqartirishga qaratilgan qo‘shimcha chora-tadbirlar to‘g‘risida»gi farmonida ko‘zda tutilgan.
Hujjatga ko‘ra, avtomobillarga yonilg‘i quyish shoxobchalarida neft-gaz mahsulotlarini sotish va elektromobillar uchun zaryadlash bo‘yicha xizmatlar faqatgina bank kartalari yoki elektron to‘lov tizimlari orqali amalga oshiriladi.
Ya’ni, «zapravka»lar 1 apreldan boshlab naqd pulda to‘lovlarni qabul qilmasligi belgilanmoqda.
Farmon respublikada naqdsiz hisob-kitoblarni ommalashtirish va yashirin iqtisodiyot ulushini qisqartirishga qaratilgan.
Ta’kidlash joiz, ushbu hujjat bilan mamlakatda naqd pulga uy-joy, avtomobil oldi-sotdisi ham bekor qilinmoqda.
