O‘zbekiston 2025 yilda Tojikiston ko‘mirining deyarli barcha eksport hajmini sotib oldi

Tojikiston xorijga 558,7 ming tonna ko‘mir yetkazib berdi, uning 99,91 foizini O‘zbekiston sotib oldi.

Foto: Asia-Plus

Tojikistonda 2025 yilda 2,8 million tonnadan ortiq ko‘mir qazib olindi. Bu 2024 yilga nisbatan 235 ming tonna yoki 10 foizga ko‘pdir. Bu haqda Tojikiston sanoat va yangi texnologiyalar vaziri Sherali Kabir Dushanbeda bo‘lib o‘tgan matbuot anjumanida ma’lum qildi.

Ko‘mir eksporti oshgani qayd etildi: Tojikiston xorijga 558,7 ming tonna ko‘mir yetkazib berdi, bu 2024 yilga nisbatan 42 foizga ko‘pdir. Asosiy xaridor O‘zbekiston bo‘ldi, u umumiy hajmning 99,91 foizini, ya’ni 558,2 ming tonnani sotib oldi. Afg‘oniston atigi 474 tonna ko‘mir oldi.

Tojikiston ichida 2,27 million tonna ko‘mir sotilgan, shundan 800 ming tonnasi Dushanbedagi 2-IESga yetkazib berilgan. 451 ming tonnaga yaqini aholiga sotilgan.

Qayd etilishicha, yaqin yillarda yangi ko‘mir korxonalarini qurish rejalashtirilgan. Ko‘mir sanoatiga investitsiyalarni jalb qilish va ishlab chiqarish quvvatlarini rivojlantirish bo‘yicha Rossiya, Xitoy, Yevropa Ittifoqi mamlakatlari va O‘zbekiston kompaniyalari bilan ish olib borilmoqda.