Qoʻshimcha funksionallar
-
Tungi ko‘rinish
Tramp Ali Xominaiy o‘limini e’lon qildi
U Eron politsiyasi va Islom inqilobi muhofizlari korpusi a’zolarini Eron xalqi tomoniga o‘tishga chaqirgan.
Foto: Getty Images
AQSh prezidenti Donald Tramp Eron oliy rahnamosi, oyatulloh Ali Xominaiy halok bo‘lganini ma’lum qildi. U bu haqda Truth Social ijtimoiy tarmog‘ida xabar qoldirgan.
«Tarixdagi eng yovuz odamlardan biri Xominaiy o‘ldi», – deyiladi Trampning postida.
Uning fikricha, Eron xalqi «o‘z mamlakatini qaytarib olish uchun katta imkoniyat»ga ega bo‘lgan.
«Biz Islom inqilobi muhofizlari korpusi, armiya va boshqa xavfsizlik kuchlari a’zolaridan ko‘pchiligi, shuningdek politsiyachilar ortiq jang qilishni xohlamayotgani va immunitetga ega bo‘lishni xohlayotgani haqida eshitdik. Men kecha aytganimdek: „Ular hozir immunitetga ega bo‘lishi mumkin, keyin esa ularni faqat o‘lim kutadi!“ Umid qilamanki, Islom inqilobi muhofizlari korpusi va politsiya tinchgina Eron vatanparvarlariga qo‘shiladi hamda mamlakat munosib bo‘lgan ulug‘vorlikni qaytarish uchun bir tanu bir jon bo‘lib harakat qilishadi», – deya yozgan Tramp.
Tramp Eronga zarbalar bir hafta yoki «maqsadga erishilguncha – Yaqin Sharqda va oxir-oqibat butun dunyoda tinchlikka erishish uchun qancha vaqt kerak bo‘lsa, shuncha vaqt» davom etishini qo‘shimcha qilgan.
Oldinroq Reuters va Times of Israel isroillik rasmiylarga tayanib, Ali Xominaiy Isroilning Tehron bo‘ylab zarbalari oqibatida halok bo‘lgani haqida xabar tarqatgandi. Eron tomoni bu xabarlarni «psixologik urush metodi» deb atagandi.
AQSh va Isroilning Eronga tajovuzi
