O‘zbekistonda vodiy viloyatlaridan boshqa hududlarda avtomobillarga metan quyish shoxobchalari 14 mart kuni soat 12:00 dan 16:00 gacha faoliyat yuritadi. Bu haqda Energetika vazirligi xabar berdi.
Vazirlikka ko‘ra, vodiy viloyatlarda shoxobchalarning ochilishi yoki ochilishmasligi “hokimliklar bilan kelishilgan holda, gaz bosimidan kelib chiqib” hal etiladi.
Kecha, 13 mart kuni metan-shoxobchalar faqat ijtimoiy soha va jamoat transporti uchun ishlashi xabar qilingan.
