O‘zbekiston avtomobil sanoati korxonalari 2026 yilning dastlabki 4 oyida 121 601 ta avtomobil sotdi, deya xabar berdi “O‘zavtosanoat” AJ. Bu ko‘rsatkich – o‘tgan yilning mos davriga nisbatan 14 760 taga yoki 13,8 foizga ko‘p.
Bir yillik dinamikaga qaralsa, BYD Uzbekistan sotuvlarini keskin oshirgani e’tiborli. Kompaniya o‘tgan yili yanvar-aprel oylarida 5953 ta avtomobil sotgan bo‘lsa, joriy yilning shu davrida sotuvlari 83,5 foizga oshgan va 10 927 taga yetgan.
Shuningdek, hisobot davrida Khorezm Auto sotuvlari 30 foizga (28 789 tadan 37 559 taga) ADM Jizzakh sotuvlari 19 foizga (12 120 tadan 14 460 taga) oshgan.
Bozor yetakchisi UzAuto Motors’da esa 2 foizlik pasayish kuzatilgan: yanvar-aprel oylarida sotilgan avtomobillar soni 59 427 tadan 58 168 taga qisqargan.
Avtomobil brendlari kesimidagi raqamlarga kelsak, Chevrolet brendining bozordagi ulushi 80 foizdan pasayganini ko‘rish mumkin: o‘tgan yil 4 oylikda bu brendga mansub avtomobillar bozorning 82,5 foizini tashkil etgan bo‘lsa, hozir bu ko‘rsatkich 78,7 foizgacha tushgan.
Eng ommabop Chevrolet modellari sotuvining o‘zgarishi
Eng ommabop Chevrolet modellarini ishlab chiqarish ko‘rsatkichlari
Umuman olganda, Chevrolet sotuvlari 8,5 foizga oshganini ham qayd etish lozim. Lekin boshqa brendlar, aniqrog‘i BYD (+83%) va Kia (+15%) sotuvlari bozor yetakchisiga qaraganda tezroq o‘sgani natijasida o‘tgan bir yil davomida Chevrolet'ning bozordagi dominant ulushi 3,8 foiz punktga qisqargan.
Avtomobil modellari qatori yetakchisi –
