Iyul oyining oxirgi haftasida O‘zbekiston bo‘yicha issiq ob-havo bo‘lishi kutilmoqda, deya xabar berdi O‘zgidromet.
Havo harorati kunduz kunlari +37…+40 daraja atrofida, shimolda, janubda va cho‘l hududlarda +41…+42 darajagacha bo‘ladi. Bu iyul oyining oxiri uchun bo‘lgan iqlimiy me’yordan 2–3 darajaga yuqori, deydi sinoptiklar.
Ushbu kunlarda respublika bo‘yicha asosan kam bulutli ob-havo bo‘lishi kutilmoqda, yog‘ingarchilik kuzatilmaydi.
Shimolda, janubda va cho‘l hududlarda shamol tezligi 13−18 m/s gacha kuchayishi, ba’zi joylarda chang to‘zonlar bilan kuzatilishi mumkin.
Toshkent shahrida havo kam bulutli bo‘ladi, yog‘ingarchilik kutilmaydi. Havo harorati asosan kunduzgi +38…+39 daraja atrofida, kechasi +23…+25 daraja bo‘ladi. Shamol sharqdan 3–8 metr/soniya tezlikda esadi.
