Cadillac XT5 krossoverining plag-in gibrid dvigateliga ega yangi modifikatsiyasini taqdim qildi. Hozircha faqat Xitoy bozori uchun.
Tashqi ko‘rinishidan gibrid XT5 yangilangan old qismi bilan ajralib turadi. Katta radiator panjarasi Optiq, Lyriq va Vistiq modellari uslubidagi yoritiluvchi elementlar bilan jihozlandi. Pastki havo yig‘gichga faol aerodinamik to‘siqlar qo‘shildi. Bundan tashqari, gibrid versiyada odatiy tutun chiqarish quvurlari mavjud emas.
Dvigatel asosida ikkita elektromotorli hamda 5C tez zaryadlashni qo‘llab-quvvatlaydigan litiy-ion batareyali plag-in gibrid tizimi yotadi. Benzinli dvigatel 148 ot kuchini, oldingi elektromotor 215 ot kuchini, orqa elektromotor esa 148 ot kuchini tashkil etadi.
Yana bir muhim yangilik – haydovchiga yordam berish tizimlari uchun modernizatsiya qilingan uskunalardir. Tomga lidar o‘rnatilgan, yon tomonlarida qo‘shimcha kameralar paydo bo‘lgan, faralar esa yarim avtonom boshqaruv funksiyalariga ega mashinalarga xos bo‘lgan havorang tusli yoritqichlar bilan jihozlangan. Momenta R7 World Model texnologiyasiga asoslangan takomillashtirilgan majmua shahar ichida harakatlanishga mo‘ljallangan bo‘lib, aylanib o‘tishlar, aylanma chorrahalar, piyodalar o‘tish joylari va qatorni o‘zgartirish kabi vaziyatlarni uddalay oladi.
Cadillac yangi tizim nafaqat yo‘l va to‘siqlarni tanibgina qolmay, balki atrofdagi vaziyatni yaxshiroq tushunib, voqealar rivojini oldindan bashorat qila oladi va mos reaksiyalarni tanlaydi, deb umid qilmoqda.
