Milliy statistika qo‘mitasi ma’lumotlariga ko‘ra, joriy yilning dastlabki yetti oyida turistik maqsadlarda chet elga chiqqan O‘zbekiston fuqarolari soni o‘tgan yilning mos davriga nisbatan 45,6 ming nafarga ko‘paygan.
Ushbu davrda O‘zbekiston fuqarolari eng ko‘p Qirg‘izistonga safar qilgan - 1 mln 981,5 ming nafar.
Keyingi o‘rinlarni Qozog‘iston - 805,4 ming va Tojikiston - qariyb 745 ming nafar bilan egallagan.
Rossiyaga 222,6 ming nafar O‘zbekiston fuqarosi turistik maqsadlarda borgan. Saudiya Arabistoniga safar qilganlar soni 167,3 ming, Turkiyaga borganlar esa 166,9 ming nafarni tashkil etgan.
O‘zbekistonliklar eng ko‘p safar qilgan top-10 davlat:
- Qirg‘iziston - 1 981 542 nafar;
- Qozog‘iston - 805 437 nafar;
- Tojikiston - 744 974 nafar;
- Rossiya - 222 605 nafar;
- Saudiya Arabistoni - 167 337 nafar;
- Turkiya - 166 893 nafar;
- BAA - 47 020 nafar;
- Xitoy - 43 581 nafar;
- Misr - 32 470 nafar;
- Vetnam - 28 224 nafar.
Shunday qilib, 2026-yilning yanvar–iyul oylarida O‘zbekiston fuqarolarining xorijiy safarlarida qo‘shni davlatlar yetakchilik qilgan.
