Oʻzbekiston prezidenti Shavkat Mirziyoyevning taklifiga binoan Ozarboyjon prezidenti Ilhom Aliyev rafiqasi hamrohligida 23-avgust kuni davlat tashrifi bilan mamlakatimizga keldi.
«Toshkent-Humo» xalqaro aeroportida oliy martabali mehmonlarni davlat rahbari va rafiqasi kutib olishdi.
Ikki mamlakat davlat bayroqlari koʻtarilib, faxriy qorovul saf tortdi.
Tashrif dasturiga muvofiq, bugun Oʻzbekiston va Ozarboyjon yetakchilari oliy darajadagi muzokaralar hamda Oliy davlatlararo kengashning uchinchi yigʻilishini oʻtkazadilar.
Sammit davomida salmoqli hujjatlar toʻplamini imzolash hamda qator iqtisodiy va gumanitar loyihalarni ishga tushirish rejalashtirilgan.
