2026-yil kuzida rossiyalik sayyohlar Oʻzbekistonga aviachiptalarni ommaviy ravishda xarid qila boshladi. Bu «Lenta» tahririyati ixtiyoriga kelib tushgan «Tutu» sayohat xizmati maʼlumotlarida aks etgan.
Kuzda aviachipta bronlari ulushining ortishi boʻyicha Oʻzbekiston yetakchiga aylanib, 5,2 foizlik punktga oʻsish koʻrsatkichini qayd etdi. Ikkinchi oʻrinni Turkiya egallagan boʻlsa, keyingi oʻrinlarda Ozarboyjon, Armaniston va Gruziya joylashdi. Shu bilan birga, Belarus va Qozogʻistonga aviachipta bronlari ulushi kamaygan.
2026-yil kuzida mehmonxonalar uchun toʻlovlar soni boʻyicha eng katta oʻsish Xitoyda kuzatildi (plyus 4,2 foizlik punkt). Ikkinchi oʻrinda esa 3,2 foizlik natija bilan Oʻzbekiston turibdi. Biroq, mehmonxonalarni bron qilish soni boʻyicha, 2025-yildagidek, Belarus, Abxaziya va Turkiya yetakchilikni saqlab qolmoqda.
