2027-yildan sohada yagona tartibga soluvchi regulyator - Uzluksiz kasbiy rivojlanish markazi faoliyat yurita boshlaydi.
Yangi markaz faoliyati Uzluksiz kasbiy rivojlanish platformasi orqali tashkil etiladi. U 2027-yil 1-yanvarga qadar ishga tushirilib, “Tibbiy malaka” axborot tizimi bilan integratsiya qilinadi.
Mazkur platforma orqali provayderlar va dasturlarning milliy reyestri yuritiladi, har bir mutaxassis uchun shaxsiy kabinet ochiladi, kreditlar hisobi olib boriladi va elektron sertifikatlar avtomatik ravishda rasmiylashtiriladi.
Ish beruvchilar esa oʻz xodimlarining portfoliosi va yillik hisoboti toʻgʻrisidagi maʼlumotlarni kuzatish imkoniyatiga ega boʻladi.
Yiliga 50 kredit toʻplash (oʻrta tibbiyot xodimlari uchun 28 kredit) shifokorning kelajagiga qilinadigan sarmoyaga aylanadi. Ushbu kreditlar davlat roʻyxatidan oʻtkazish va malaka toifasini berish jarayonida hal qiluvchi ahamiyat kasb etadi.
Markaz xalqaro standartlar asosida barcha provayderlar va dasturlarni mustaqil ravishda akkreditatsiyadan oʻtkazadi, shuningdek uzluksiz tibbiy taʼlim boʻyicha mahalliy akkreditatsiya tashkiloti sifatida faoliyat yuritadi.
