Özbekistonda 7–13-sentabr kunlari havo harorati yana kötarilib, hafta örtasida ayrim hududlarda +36…+39 darajagaça issiq böladi. Biroq bu jazirama uzoq davom etmaydi: avval şimolda, keyin respublika böylab havo sezilarli salqinlaşadi. Kunduzgi issiqlik, tungi kuzgi salqinlik va kuçli şamollar qişloq xöjaligi hamda aholi salomatligiga turliça taʼsir körsatişi mumkin.
Qişloq xöjaligiga taʼsiri
Sentabr örtasidagi +36…+39 darajali kunduzgi issiqlik va +10…+20 darajali tungi salqinlik ekinlar uçun qöşimça stress omili böladi. Issiq kunlarda tuproq namligi tez buğlanadi, suvga ehtiyoj ortadi. Şuning uçun suğorişni ertalab yoki keçqurun amalga oşiriş maqsadga muvofiq. Paxta, sabzavot-poliz va keçki ekinlarda yuqori harorat pişiş jarayonini tezlaştirişi mumkin, ammo namlik tanqisligi hosil sifatiga taʼsir qiladi. Kuçli şamol esa tuproq namligining yöqolişi va çang kötarilişini kuçaytiradi. Dam oliş kunlaridagi salqinlik ekinlarning issiqlik stressidan tiklanişi uçun qulay şaroit yaratadi.
Aholi salomatligiga taʼsiri
Bu hafta organizm uçun asosiy omil – kunduzgi issiqlik va tungi salqinlik örtasidagi katta farq. Bunday şaroit termoregulyatsiya tizimiga qöşimça yuklama beradi. Issiq kunlarda yetarli suv içiş, quyoşda uzoq qolmaslik va oğir mehnatni salqin paytlarga köçiriş tavsiya etiladi. Keçasi esa salqin havoga mos kiyiniş va konditsionerni juda past haroratga qöymaslik kerak.
Ayniqsa bolalar, keksalar va surunkali kasalligi bor kişilar ehtiyotkor bölişlari lozim. Çang-tözon kötarilgan paytda nafas yöllari sezgir kişilar taşqi muhitda bölişni çeklagani maʼqul.
