Prezident matbuot xizmati maʼlumotiga koʻra, tashrif davomida Shavkat Mirziyoyev sanoat, qishloq xoʻjaligi, taʼlim, tibbiyot, transport, turizm va sport sohalarida amalga oshirilayotgan loyihalar bilan tanishadi.
Shuningdek, aholi bandligini taʼminlash, yangi ish oʻrinlari yaratish va mahallalarni obodonlashtirish borasida olib borilayotgan ishlar koʻzdan kechiriladi.
Safar dasturidan bir qator yangi loyihalarni ishga tushirish hamda yangi obyektlar qurilishiga start berish ham oʻrin olgan.
Tashrif doirasida Qoraqalpogʻiston Respublikasini kompleks rivojlantirish masalalariga bagʻishlangan yigʻilish ham oʻtkaziladi. Unda hudud taraqqiyoti boʻyicha navbatdagi ustuvor vazifalar belgilab berilishi kutilmoqda.
