15-iyuldan boshlab HUMO kartalari egalari BAXTLI YUZLIK aksiyasida ishtirok etib, karta orqali 100 000 soʻmdan ortiq kundalik xaridlarni amalga oshirish orqali qimmatbaho sovrinlarni qoʻlga kiritish imkoniyatiga ega boʻldi. Aksiya davomida Oʻzbekistonning turli hududlaridan ishtirokchilar gʻolib boʻlib, ular iPhone Air smartfonlari va pul mukofotlariga ega boʻldi.
Tadbirning keng qamrovli dasturi mehmonlar uchun interaktivlar, konsert dasturlari va qimmatbaho sovrinlarning yakuniy oʻyinlarini oʻz ichiga oldi. Gʻoliblarni aniqlash ochiq tarzda oʻtkazildi: jarayonni tadbir maydonidagi mehmonlar, shuningdek, barcha istaganlar HUMO ijtimoiy tarmoqlarining rasmiy sahifalarida toʻgʻridan toʻgʻri efir orqali kuzatdi.
“HUMO uchun bunday loyihalar – mijozlarimizga yaqinroq boʻlish va ularning kutilmalarini yaxshiroq tushunish imkoniyatidir. Har bir tranzaksiya ortida HUMOʼni tanlaydigan va bizga ishonadigan inson turadi, shunday ekan, BAXTLI YUZLIK bu – mijozlarimizga tanlovlari uchun minnatdorlik bildirishning bir yoʻlidir. Bugun biz gʻoliblarni shaxsan tabriklay olishimiz va final his-tuygʻularini oʻzaro boʻlisha olishimiz alohida ahamiyatlidir”, - deya qayd etdi HUMO boshqaruvi raisi Aleksandr Sotnikov.
BAXTLI YUZLIKʼning soʻnggi mukofotlari jonli efirda egasini topdi
Dasturning eng muhim lahzalaridan biri pul mukofotlari va iPhone Air smartfonlari oʻynalgan final oʻyini boʻldi. Final oʻyinda iPhone Air sohibi boʻlgan ikki gʻolib - Ikromjon va Ilhom, shuningdek, har biri 1 000 000 soʻmdan pul mukofotiga ega boʻlgan oʻn nafar gʻolib aniqlandi.
Gʻoliblarni aniqlash jarayoni toʻgʻridan toʻgʻri efirda oʻtkazildi. Har bir oʻyindan soʻng boshlovchilar gʻolibning ismini eʼlon qildi. Bunday format tadbir maydonidagi mehmonlar va efirni kuzatayotgan tomoshabinlarga gʻoliblarni aniqlash jarayonini bevosita kuzatish imkonini berdi.
BAXTLI YUZLIK bosh sovrini - BYD Song Plus DM-i oʻz egasini topdi
Final oʻyinlaridan soʻng mehmonlarning eʼtibori aksiyaning bosh sovrini - BYD Song Plus DM-i avtomobiliga qaratildi. Avtomobil egasining aniqlanishi kechaning eng muhim va hayajonli lahzasi boʻldi.
Avtomobil Boʻstonliq tumanida yashovchi Vali K.ga nasib etdi.
