45 yil davomida “Xalqlar doʻstligi” saroyi Toshkentdagi eng muhim ijtimoiy va madaniy maskanlardan biriga aylandi. Bu yerda konsertlar, spektakllar, xalqaro va mahalliy tadbirlar oʻtkaziladi, binoning oʻzi esa, poytaxt meʼmoriy qiyofasining muhim qismi boʻlib qoladi.
1977–1981-yillarda barpo etilgan Saroy bugungi kunda ham shahar madaniy hayotidagi oʻz ahamiyatini saqlab qolgan. 2026-yilda uning meʼmoriy qiymati xalqaro eʼtirofga sazovor boʻldi: “Xalqlar doʻstligi” saroyi yana toʻqqizta obyekt bilan birga YUNESKO Butunjahon merosi roʻyxatiga kiritilgan Toshkent modernizm meʼmorchiligi majmuidan joy oldi.
Saroyning 45 yilligida HUMO milliy toʻlov tizimi saroy maʼmuriyati bilan birgalikda bino ichidagi navigatsiya tizimini yangilash loyihasini amalga oshirdi. Asosiy vazifa obyektning meʼmoriy xarakteri va vizual oʻziga xosligini saqlab qolgan holda ulkan va koʻp qavatli makonni tashrif buyuruvchilar uchun yanada tushunarli va qulay qilish edi.
Yangi navigatsiya tizimi izchil marshrut taomiliga asosan yaratilgan: tashrif buyuruvchi Saroy boʻylab harakatlanishning har bir bosqichida – kirishdan to tomoshabinlar zalidagi oʻz joyiga yetib borguncha, kerakli axborotga ega boʻladi. Yangilangan xaritalar, polusti koʻrsatkichlari, devordagi va osma yoʻnaltirgichlar yoʻnalishni tezda aniqlash, kerakli qavatni, sektor, qator va joyni topish imkonini beradi.
Loyiha ustidagi ishlar barcha bosqichlarda – konsepsiya ishlab chiqishdan navigatsiya unsurlarini joylashtirishgacha Saroy maʼmuriyati bilan birga olib borildi. Yangi yechimlar mavjud meʼmorchilik bilan uygʻunlashib, binoning vizual oʻziga xosligiga putur yetkazmasligiga alohida eʼtibor berildi.
“HUMO milliy toʻlov tizimi bugungi kunda – bu shunchaki toʻlov infratuzilmasi emas. Biz millionlab insonlar kundalik hayotining bir qismi sanalamiz va biz uchun kompaniya rivoji moliyaviy sohadan tashqarida ham foyda keltirishi muhim. “Xalqlar doʻstligi” saroyi – Oʻzbekiston uchun qadrli maskan va YUNESKO eʼtirof etgan meʼmoriy merosning bir qismidir. Shu sababli bu loyihada zamonaviy yechimlar va bino meʼmorchiligiga ehtiyotkorona munosabat oʻrtasida muvozanatni topish biz uchun prinsipal ahamiyatga ega boʻldi.
Biz koʻrsatkichlarni shunchaki yangilab qolmasdan, makonni odamlar uchun yanada tushunarliroq va qulayroq qilishni, shuning barobarida, uning xarakteri va vizual oʻziga xosligini saqlab qolishni xohladik. Biz zamonaviy yechimlar merosning oʻrnini bosishi emas, balki uni avaylab rivojlantirishda yordam berishi kerak, deb hisoblaymiz. Ushbu loyiha mamlakatdagi boshqa jamoat makonlarida ham HUMO’ning shunday tashabbuslarini rivojlantirishdagi ilk qadam boʻlishi ehtimoli katta”,
