Visual Capitalist Iqtisodiy hamkorlik va taraqqiyot taşkiloti - OECD maʼlumotlari asosida mudofaa sohasidagi ilmiy tadqiqotlar va tajriba-konstruktorlik işlanmalariga eng köp mablağ ajratayotgan ayrim davlatlar reytingini tuzdi.
Reytingda mamlakatlarning absolyut xarajatlari emas, balki har 1000 dollarlik yalpi içki mahsulotga töğri keladigan byudjet ajratmalari hisobga olingan.
Maʼlumotlar OECD Economic Outlook hisobotining 2026-yilgi birinçi sonidan olingan. Reytingda asosan 2024-yil körsatkiçlari yoki 2026-yil avgust holatiga köra mavjud bölgan eng sönggi maʼlumotlardan foydalanilgan.
Reytingning dastlabki beşligi:
AQŞ - har 1000 dollarlik YaIMga 3,64 dollar;
Janubiy Koreya - 2,06 dollar;
Buyuk Britaniya - 0,97 dollar;
Germaniya - 0,79 dollar;
Fransiya - 0,50 dollar.
AQŞ katta farq bilan yetakçi
AQŞ har 1000 dollarlik YAIM hisobidan mudofaa tadqiqotlari va yangi harbiy texnologiyalarni işlab çiqişga 3,64 dollar ajratmoqda. Bu mamlakat YaIMining taxminan 0,364 foiziga teng.
Amerika körsatkiçi ikkinçi örindagi Janubiy Koreyanikidan qariyb 1,8 baravar, uçinçi örindagi Buyuk Britaniyanikidan esa 3,7 baravardan köproq.
AQŞ absolyut körsatkiç böyiça ham dunyoda eng katta harbiy xarajatlarga ega davlat bölib qolmoqda. 2025-yilda mamlakatning umumiy harbiy xarajatlari 954 mlrd dollarni taşkil etgan. Bu jahondagi barça harbiy xarajatlarning qariyb uçdan biriga teng.
AQŞ harbiy byudjetining YaIMdagi uluşi 2025-yilda 2015–2022-yillardagi örtaça yillik körsatkiçga nisbatan kamaygan.
Şunga qaramay, 2026-yil aprelida Donald Tramp maʼmuriyati huzuridagi AQŞ harbiy idorasi 2027 moliya yili uçun mudofaa byudjetini rekord darajadagi 1,5 trln dollarga yetkazişni söradi. Bu 2026-yilgi moliyalaştiriş darajasidan 42 foiz köp.
Janubiy Koreya - yagona yaqin raqobatçi
