The Wall Street Journal nashri yozishicha, Volodimir Zelenskiy va Donald Tramp oʻrtasidagi munosabatlar 2025-yil boshida Oval kabinetda roʻy bergan mojarodan beri «eng past nuqtada» turibdi. Nashr Donald Trampning 10-oktabr kuni bergan bayonotlaridan soʻng shunday xulosaga kelgan. Jurnalistlar bilan suhbatda u Ukraina prezidentini almashtirishi kerakligini aytdi:
Bilasizmi, nima taklif qilaman? Men ularga [ukrainlarga] kelishuvlar tuza oladigan yangi yetakchi topishni taklif qilaman – axir u [Volodimir Zelenskiy] koʻplab bitimlar tuzishi mumkin edi, biroq negadir buni hech qachon qilmadi. <…> Nazarimda, Ukrainaga yangi prezidentni saylash vaqti keldi.
Axios ham vaziyatni «jiddiy inqiroz» deb atamoqda. WSJ nashri yozishicha, AQSH prezidentining soʻnggi soʻzlari Yevropaning oʻtgan bir yarim yil ichida erishgan kelishuvlariga zarar yetkazishi mumkin. Bu vaqt mobaynida Yevropa Trampni Amerikaning Ukrainani qoʻllab-quvvatlovini saqlab qolish, shuningdek, Rossiyaga bosim oʻtkazishda davom etish toʻgʻri yoʻl ekaniga ishontirishga harakat qilgandi.
Trampning bu shov-shuvli bayonoti u Vladimir Putin bilan Rossiya dizel yoqilgʻisini Amerika va jahon bozoriga yetkazib berish boʻyicha kelishib olganidan keyin yangradi. Jurnalistlar bilan muloqotda Tramp AQSH Zelenskiyni u «Rossiya bilan istaganini qilishi mumkinligi», ammo neftni qayta ishlash zavodlariga zarba bermasligi kerakligi, chunki bu «global muammo» ekanini aytgan. «U esa nima qilyapti? Borib, dizel bilan bogʻliq obyektlarga zarba beryapti. U buni bas qilishi kerak», – dedi Tramp. Axios maʼlumotiga koʻra, AQSH prezidenti bungacha Ukrainadan Rossiya neftni qayta ishlash zavodlariga hujumlarni toʻxtatishni talab qilgan – Trampning fikricha, bunday hujumlar AQShda yoqilgʻi narxi oshishiga olib kelmoqda.
AQSH Moliya vazirligi allaqachon Rossiyaga 2027-yil 27-aprelgacha amal qiluvchi litsenziyani taqdim etdi, bu AQSH sanksiyalariga qaramay, Rossiya dizel yoqilgʻisini jahon bozoriga olib chiqishga imkon beradi. Volodimir Zelenskiy bu qarorni «ochiq-oydin zaiflik» deb baholadi: Putinga qilinayotgan sovgʻalar tinchlik uchun ham, sivilizatsiyalashgan dunyo uchun foyda keltirmaydi. Rossiya dizel uchun kelgusida terror va pastkashliklari bilan „rahmat aytadi“. Rossiyaga neft mahsulotlarini sotishga ruxsat berish – yakunlanishi kerak boʻlgan urushni uzaytirishga, unga investitsiya kiritishga tengdir. Rossiya bilan bir tomonlama emas, balki oʻzaro teng shartlardagi real deeskalatsiya kerak.
