Qoʻshimcha funksionallar
-
Tungi ko‘rinish
DSQ raisi soliqchilar tomonidan sotuvchilarga qo‘pollik qilingani uchun uzr so‘radi
Davlat soliq qo‘mitasi raisi Sherzod Kudbiyev soliq organi xodimlari sotuvchi ayollarning buyumlarini tortib olishga uringan holat aks etgan video bo‘yicha munosabat bildirdi. Ma'lum bo‘lishicha, bu holat Olmaliq shahrida sodir bo‘lgan.
«Bu – biz uchun juda uyatli, soliq xizmati vazifalariga to‘g‘ri kelmaydigan hodisa.
O‘zim hozir Samarqand viloyatida xizmat safaridaman. Va'da beraman, qaytib borishim bilan Olmaliqdagi hodisa yuz bergan joyda bo‘laman. Lekin ungacha kutmasdan o‘sha o‘zini noo‘rin tutgan xodimlarga nisbatan tegishli jazo choralari ko‘riladi.
Bu bizga hecham yarashmaydi. Soliq organlari kuch ishlatar idora emas, balki tadbirkorlarimizga ko‘makchi bo‘ladigan idora. Lekin shunday ayanchli holatlar ham yuz beryapti. Biz buni ildizi bilan yulib tashlashimiz kerak.
Ko‘rilgan choralar bo‘yicha qo‘shimcha axborot beramiz. Men bunday holat yuz bergani uchun hurmatli fuqarolarimizdan, butun xalqimiizdan uzr so‘rayman», dedi Kudbiyev.
DSQ raisi soliqchilar tomonidan sotuvchilarga qo‘pollik qilingani uchun uzr so‘radi
— Kun.uz (@KunUzNews) April 15, 2021
👉 https://t.co/VIraS8U9YK pic.twitter.com/3v4gN7Ta5g
Avvalroq, soliqchilar ko‘chada sotuvchilik qilayotgan ayollarning buyumlarini tortib olib, mashinaga yuklashga uringani bo‘yicha xabar berilgandi.
Mavzuga oid
15:58 / 20.11.2025
O‘zbekistonda Urbanizatsiya qo‘mitasi tuzildi. Unga Sherzod Qudbiyev rahbarlik qiladi
20:49 / 23.10.2025
Olmaliqda murabbiy bolalarni kaltak bilan «tarbiyalab» kelgan. U bu ishi uchun uzr so‘radi
20:15 / 11.10.2025
Reportaj: Chirchiqda tug‘ilgan siam egizaklariga shifoxonadan uyiga javob berildi
15:52 / 29.07.2025