Toshkentda “Matiz” 4 kishini urib ketgan. Jabrlanuvchilar ulardan hech kim xabar olmaganini aytmoqda

15 oktyabr kuni kechqurun Toshkentning Mirobod tumani Yangi Qo‘yliq ko‘chasida harakatlanayotib, boshqaruvni yo‘qotgan “Matiz” yo‘l chetida turgan fuqarolarni urib ketgan. Holat bo‘yicha biror chora ko‘rilgan-ko‘rilmagani hozircha noma'lum.

{Yii::t(}

O'tkazib yuborish 6s

Jabrlanuvchilardan birining so‘zlariga ko‘ra, YTH natijasida 4 kishi turli darajada tan jarohatlari olgan.

“Barcha jabrlanuvchilar qarindoshlarmiz. O‘zim Tapoichga yotdim, tos suyagim singan. Hali yana uch oy yotishim kerak ekan. O‘g‘limning son suyagi va boldiri singan, nevaramning bosh suyagi singan. Singlim neyroxirurgiyada yotibdi. Uning miyasi chayqalgan, tos suyagi va yettita qovurg‘a suyagi singan”, – deydi u.

Jabrlanuvchiga ko‘ra, shuncha og‘ir tan jarohatlariga qaramay, ular bilan ichki ishlar organlaridan hech kim bog‘lanmagan.

“Voqeadan keyin tez yordam shifoxonaga olib bordi. Shundan keyin “hey, sizlarga nima bo‘ldi?” deydigan odamning o‘zi yo‘q. Birorta melisa kelmadi. Hech kim xabar olgani yo‘q. Pul bilan yopib yuborishmoqchi shekilli”, – deydi u.

Kun.uz holat bo‘yicha ma'lumot olish uchun IIV YHXBB bilan bog‘landi. Biroq hozircha holat surishtirilayotganidan boshqa ma'lumot berilmadi.

Avvalroq Kun.uz Chilonzorda Toshkent shahar IIBB xodimi “Kobalt” avtomobilida boshqaruvni yo‘qotishi oqibatida yo‘l chetidagi fuqaroni urib yuborgani, mas'ul xodimlar voqeadan bir hafta o‘tibgina ekspertiza o‘tkazilganini xabar qilgandi.

Muallif: Аббос Салайдинов

#YTH #Mirobod tumani