15:18 / 24.07.2022
13175

Air Astana reys kechikkani uchun jarimaga tortildi

Jarima miqdori 3 mln tangadan ko‘proqni yoki 6,3 ming dollarni tashkil etadi.

Foto: Transport vazirligi axborot xizmati

Qozog‘iston Fuqaro aviatsiyasi qo‘mitasi Air Astana aviakompaniyasi parvozlarni kechiktirgani uchun jarimaga tortilgani haqida xabar berdi. Jarima 16 iyulga rejalashtirilgan Olmaota – Male reysi uzoq muddatga kechiktirilgani munosabati bilan qo‘llangan.

Surishtiruv davomida yo‘lovchilar parvozni 15 soatdan ortiq kutishgani aniqlangan. Shu bilan birga, ularga qonun hujjatlarida nazarda tutilgan xizmatlar, ya’ni mehmonxonalarni joylashtirish xizmatlari lozim darajada taqdim etilmagan. Mazkur holat yuzasidan aviakompaniya 3 million tangadan ortiq yoki 6,3 ming dollar miqdorida ma’muriy jarimaga tortildi.

Yo‘lovchilar faqatgina bitta reysda kuzatilgan muammodan shikoyat qilishmagan. Qozog‘iston Fuqaro aviatsiyasi qo‘mitasiga 150ga yaqin murojaat kelib tushgan bo‘lib, ayni paytda ularning har biri o‘rganib chiqilayotgani, qonunbuzarlik tasdiqlansa, tegishli protsessual choralar ko‘rilishi bildirilgan.

Eslatib o‘tamiz, 19 iyul kuni soat 9:30da Toshkentdan Andijonga parvoz qilishi kerak bo‘lgan samolyot 12:30da uchib ketgan, soat 8 da aeroportga borgan yo‘lovchilar 4,5 soat kutishga majbur bo‘lishgan.

Top