Kiyevda «azovchilar»ning yaqinlari marshi, Donetsk oblastida yalpi evakuatsiya. Urush suratlari
Ukrainada urushning 157-kuni o‘tdi. So‘nggi ma’lumotlar:
Rossiya Olenivkadagi koloniyada halok bo‘lgan 50 dan ortiq ukrain harbiy asirlari ro‘yxatini e’lon qildi. Rossiya ular ukrainlar raketa zarbasidan qurbon bo‘lganini aytishmoqda; bu versiyani ko‘plar shubha ostiga olgan.
Ukraina vitse-premeri Irina Vereshchuk va prezident Volodimir Zelenskiy Donetsk oblastida qolayotgan ukrainlarni mamlakat g‘arbiga evakuatsiya bo‘lishga chaqirdi. Vereshchuk Donbassda infratuzilmalar vayron bo‘lgani, Zelenskiy qolganlar rossiyalik harbiylar harakatlaridan aziyat chekishi mumkinligini aytmoqda.
Rossiyaning Buyuk Britaniyadagi elchixonasining tvitterida «Azov» polki jangchilari dorga osilgan holda o‘ldirilishga munosib ekani haqida tvit qoldirildi. Ukraina TIV rossiyalik diplomatlarni harbiy jinoyatlar ishtirokchilari deb atadi.
Ukraina qurolli kuchlari Dnepr daryosi ustidan o‘tgan Antonov temiryo‘l ko‘prigini ishdan chiqargan, undan oldinroq avtomobil ko‘prigiga jiddiy shikast yetib, ko‘prik bo‘ylab harakat to‘xtatilgandi. Bu Xersonga olib boruvchi daryo ustidan o‘tgan ikkita o‘tish yo‘lidir, bu yo‘llarning to‘silishi ishg‘ol etilgan shahardagi rossiyalik harbiylarni asosiy kuchlardan uzib qo‘yadi.
Quyida so‘nggi kunlarda Ukrainaning turli hududlarida olingan suratlar:
Olinivka
Donetskdan 40 kilometr masofadagi Olenivka posyolkasida joylashgan qamoqxonadagi barak. Rossiya 29 iyul tongida koloniyaga raketa zarbasi berilganini ma’lum qildi. Bu joyda ukrain harbiy asirlari, jumladan «Azov» bataloni jangchilari ham saqlangan. 53 nafar ukrain askari halok bo‘lib, 75 asir yaralangan. Rossiya va Ukraina koloniyaga zarbada bir birini ayblamoqda.
AP / Scanpix / LETAOlenivkada halok bo‘lgan asirlar jasadi. Koloniyada saqlangan «Azov» polki jangchilari Mariupolda may oyi o‘rtalarida, ikki oydan oshiq vaqt davomida «Azovstal» mudofaasini ushlab turishganidan keyin asir tushishgandi.
Alexander Ermochenko / Reuters / Scanpix / LETAPolitico nashri jurnalisti Kristofer Miller Maxar sun’iy yo‘ldoshi orqali olingan tasvirlarini e’lon qildi, ularda Olenivkadagi koloniya 27 iyul va 30 iyul kunlari qanday ko‘rinishda bo‘lgani aks etgan.Bu tasvirlar ukrain harbiy asirlari saqlangan barak ichkaridan turib portlatilgani haqidagi fikrlarni dastaklaydi - portlashdan keyin uning atrofidagi barcha binolar butun qolgan.
Kiyev
«Azov» polkining asirlikdagi jangchilarining yaqinlari Kiyevdagi marshda Rossiyani terrorizmni qo‘llab-quvvatlovchi davlat sifatida tan olishni talab qildi. 29 iyul kuni Olenivkadagi koloniyada ro‘y bergan portlash oqibatida 50 dan ortiq asir halok bo‘lib, yana o‘nlab kishilar yaralangan. Ukraina tomoniga ko‘ra, asirlar bu barakka portlashdan bir necha kun oldin joylashtirilgandi.
Valentyn Ogirenko / Reuters / Scanpix / LETAOlga Malyuchenko — «Azov» polkining asirlikdagi jangchilaridan birining rafiqasi.
David Goldman / AP / Scanpix / LETA
Donbass shimoli
Rossiyaliklarning Olenivka yaqinida uchayotgan Z belgisi aks etgan Su-25 shturmoviki
Alexander Ermochenko / Reuters / Scanpix / LETARossiyaliklar Kramatorskni o‘qqa tutgach, xarobalar ostida omon qolganlarni qidirayotgan qutqaruvchilar. Donetsk oblasti ma’mriyati rahbari Pavel Kirilenkoga ko‘ra, zarba aholi yashash uylari joylashgan kvartalga kelib tushgan. Ikkita uy to‘liq qulab tushgan, yana 21 uy shikastlangan. Ikki kishi halok bo‘lib, besh kishi yaralangan.
Diego Herrera Carcedo / Anadolu Agency / ABACAPRESS / ddp images / Vida PressRossiyaliklar zarbasiga uchragan Kramatorskda vayron bo‘lgan uyida turgan keksa yoshli ayol.
Diego Herrera Carcedo / Anadolu Agency / ABACAPRESS / ddp images / Vida PressQutqaruvchilar Kramatorskdagi qulab tushgan bino xarobalari ostidan odamlarni qidirmoqda
Diego Herrera Carcedo / Anadolu Agency / ABACAPRESS / ddp images / Vida Press
Mikolayiv
Rossiyaliklar 29 iyul kuni Mikolayivni o‘qqa tutishi oqibatida shikastlangan bekat. 30 iyul kuni shahar yana o‘qqa tutildi — zarba aholi yashash uylari joylashgan rayonlardan biriga kelib tushgan. Dastlabki ma’lumotlarga ko‘ra, bir kishi halok bo‘lib, olti kishi yaralangan
Kostyantin і Vlada LіberoviDonetsk oblastidagi front chizig‘i yaqinlashib kelgan Baxmut shahrida oilasini evakuatsiya qilayotgan erkak. Ukraina hukumati Donetsk oblastidagi o‘z nazoratida qolayotgan hududlar aholisini to‘liq evakuatsiya qilishga chaqirmoqda.
Bulent Kilic / AFP / Scanpix / LETAO‘t o‘chiruvchilar Donetsk oblastidagi front chizig‘ida joylashgan Baxmut shahrida yong‘inga qarshi kurashmoqda.
Diego Herrera Carcedo / Anadolu Agency / ABACAPRESS / ddp images / Vida Press
Xarkiv oblasti
Xarkivda rossiyaliklar zarbasidan keyin yonib ketgan o‘quv muassasasi binosidagi qutqaruvchi.
Sofia Bobok / Anadolu Agency / ABACAPRESS / ddp images / Vida PressO‘t o‘chiruvchilar otishmalardan keyin yonib ketgan Xarkivdagi maktab hududida ishlamoqda.
Sergey Bobok / AFP / Scanpix / LETA Sapyorlar va qutqaruvchilar Xarkiv oblastidagi dala maydonida tankka qarshi minaga tushib portlab ketgan kombayn atrofida.
Foto: Ukraina FVDXXarkivdagi frontdagi qismda ukrain harbiy shifokori o‘rta yoshli askarning qon bosimini o‘lchamoqda.
Wolfgang Schwan / Anadolu Agency / ABACAPRESS / ddp images / Vida PressXarkiv oblastidagi front chizig‘i yaqinida turgan ukrain askari. Shahar atrofida janglar 24 fevraldan buyon davom etmoqda. Bahorda ukrain qo‘shini front chizig‘ini shahardan bir necha kilometrga uzoqlashtirishgandi, ammo keyin Rossiya armiyasi yana qarshi hujumga o‘tdi.
Wolfgang Schwan / Anadolu Agency / ABACAPRESS / ddp images / Vida PressXarkiv oblstida joylashgan harbiy qismdagi ukrain harbiylari.
Wolfgang Schwan / Anadolu Agency / ABACAPRESS / ddp images / Vida PressXarkiv oblastidagi front chizig‘i yaqinida turgan ukrain askari.
Wolfgang Schwan / Anadolu Agency / ABACAPRESS / ddp images / Vida Press
