Aholini sifatli dorilar bilan ta’minlashning asosiy yo‘nalishlari belgilanyapti

Prezidentning “Aholini sifatli dori vositalari va tibbiy buyumlar bilan ta’minlash yuzasidan qo‘shimcha chora-tadbirlar to‘g‘risida”gi qarori loyihasi e’lon qilindi.

Quyidagilar aholi va tibbiyot tashkilotlarini sifatli dori vositalari va tibbiy buyumlar bilan ta’minlash asosiy yo‘nalishlari etib belgilanadi:

• dori vositalari tibbiyot amaliyotida qo‘llanilishiga ruxsat berish tartibini takomillashtirish va tayinlanishini tartibga solish;
• dori vositalari elektron retseptlar asosida berilishini, sohada elektron axborot almashinuvi tizimini to‘liq joriy etish;
• dori vositalari va tibbiy buyumlar chakana savdosi bilan shug‘ullanuvchi sub’yektlar faoliyatini, ularni litsenziyalash talablarini takomillashtirish;
• dori vositalari, kuchli ta’sir qiluvchi dori vositalari noqonuniy muomalasini aniqlashda jamoatchilik nazoratini o‘rnatish;
• tibbiyot tashkilotlarida dori vositalari va tibbiy buyumlar bilan bemorlar ta’minotini tartibga solish;
• biologik faol qo‘shimchalarga ruxsat berish tartibini takomillashtirish.