O‘zbekiston eng ko‘p qaysi oziq-ovqat mahsulotlarini import qilishi ma’lum bo‘ldi

Davlat statistika qo‘mitasi O‘zbekistonga 2022 yilning yanvar-avgust oylarida import qilingan ayrim turdagi oziq-ovqat mahsulotlari qiymatini e’lon qildi.

Unga ko‘ra, bug‘doy import qilingan mahsulotlar ichida eng ko‘p ulushga ega bo‘lib turibdi – 465 million AQSh dollari.

Oziq-ovqat mahsulotlari importida yuqori ulushga ega bo‘lgan mahsulotlar: 

• shakarqamish – 298 mln AQSh dollariga;
• margarin mahsulotlari – 188 mln AQSh dollariga;
• qoramol go‘shti – 142 mln AQSh dollariga;
• o‘simlik yog‘i – 128 mln AQSh dollariga;
• bug‘doy uni – 84 mln AQSh dollariga;
• kakao va shokolad – 72 mln AQSh dollariga;
• kartoshka – 58 mln AQSh dollariga;
• sut mahsulotlari – 53 mln AQSh dollariga;
• bolalar uchun oziq-ovqat mahsulotlari – 48,5 mln AQSh dollariga;
• banan – 34,2 mln AQSh dollariga;
• choy – 30,7 mln AQSh dollariga;
• parranda go‘shti – 29,3 mln AQSh dollariga;
• makkajo‘xori – 23 mln AQSh dollariga;
• qahva – 19 mln AQSh dollariga;
• qandolat mahsulotlari – 17 mln AQSh dollariga.