Zaporijjya atom elektr stansiyasidagi Atom energiyasi bo‘yicha xalqaro agentlik (AEXA) vakillari bir kun avval shikastlangan elektr tarmog‘i bilan aloqa liniyasi tiklangani va obekt Ukraina elektr tarmog‘iga qayta ulanganini tasdiqladi. Bu haqda agentlik bosh direktori Rafael Grossi Twitter'da yozgan.
Biroq, bu qabul qilib bo‘lmaydigan vaziyatda faqat «vaqtinchalik yengillik», deya qo‘shimcha qildi u va Yevropadagi eng yirik atom elektr stansiyasi atrofida xavfsizlik zonasini yaratish zarurligini yana bir bor ta’kidladi.
Bundan oldin Putin Zaporijjya AESni Rossiya mulkiga o‘tkazish haqidagi farmonni imzolagandi.
Rossiya prezidenti hukumatga «Zaporijjya atom elektr stansiyasidagi atom energiyasidan foydalanish obektlarining federal mulkka qabul qilinishini ta’minlash»ni topshirdi.
Bundan tashqari, stansiyaning ishlashi uchun «Zaporojskaya AES» Federal davlat unitar korxonasi va «Zaporojye AESni ekspluatatsiya qiluvchi tashkilot» OAJ tashkil etilishi rejalashtirilgan.