Germaniya taşqi işlar vaziri Annalena Berbok va mudofaa vaziri Kristin Lambrext moliya vaziri Kristian Lindnerdan keyingi yil Ukrainaga harbiy yordam uçun sezilarli darajada köproq mablağ ajratişni söramoqda. Bu haqda 22 oktyabr, şanba kuni Berbok va Lambrextning xabariga tayanib, Der Spiegel yozyapti.
Vazirlar Kiyevga yordam beriş uçun 2,2 milliard yevrolik maxsus jamğarma taşkil etişni zarur deb hisoblaydi. Faqatgina şunday budjet bilan Germaniya özining «xalqaro hamkorlari» undan kutayotgan «mas’uliyatni aniq öz zimmasiga olişi» mumkin, deyiladi xabarda.
Maktubning eng boşida vazirlar 2023 yilgi budjetdan şu paytgaça bunday maqsadlar uçun atigi 697 million yevro ajratilganini tanqid qilişadi. 2022 yilda hukumat uşbu fonddan Ukrainaga töğridan töğri va «aylana» deb ataladigan qurol-yaroğ yetkazib berişga homiylik qildi. Berbok va Lambrextning fikriga köra, bu qurol yordami uçun «markaziy moliyalaştiriş vositasi». Berlin, masalan, Çexiya va Gretsiya Ukrainaga ilgari taqdim etilgan eski transport vositalarini almaştiriş uçun olgan tanklarni yetkazib berişda jamğarmadan foydalangan.
Vazirlar 2023 yilgi budjet noyabr oyi örtalarida tasdiqlangaç, Lindnerdan uşbu maxsus jamğarma hajmini sezilarli darajada oşirişni istaşyapti. Xabar mualliflariga köra, rejalaştirilgan budjet rejasi öz vazirliklari harakatlari uçun maydonni «siyosiy jihatdan asoslanmagan minimal darajaga» qisqartiradi. Bundan taşqari, vazirlar köp yillik qurol-yaroğ loyihalariga yana bir milliard yevrogaça mablağ sarflanişi kafolatini talab qilmoqda.
Vazirlar öz talablarini jiddiy bayonotlar bilan tasdiqlaydi, deb yozadi Der Spiegel. Xususan, ular «Berlinning taşqi siyosat va xavfsizlik masalalarida harakat qiliş qobiliyati, şuningdek, xalqaro obrösi» maxsus jamğarma mablağlariga boğliqligini bildiryapti. 2022 yil Ukrainani «yuqori texnologiyali harbiy salohiyat»ni yaratişda qöllab-quvvatlaş uçun «maksimal moslaşuvçanlik» zarurligini körsatdi, deyiladi xabarda. Bugungi kunga kelib, Germaniya hukumati tez va samarali harakat qila olişini isbotladi. Bu sur’at pasaymasligi uçun Berbok va Lambrext zudlik bilan Lindnerga yordam sörab murojaat qilyapti, deyiladi xatda.
Ayni paytda, Der Spiegel yozişiça, Moliya vazirligi çeksiz resurslarga ega emas. Moliya tizimi, xususan, 2023 yil uçun energiya narxining ösişini qoplaş böyiça katta yordam paketlari yuzasidan katta bosim ostida qolgan. Kristian Lindner bir neça bor vazirlar mahkamasidagi hamkasblarini pulni tejaşga çaqirgan.
