London: Rossiya quruqlikdagi kuchlarni mustahkamlash uchun yirik yangi tuzilmalar tuzmoqda

Rossiya so‘nggi ikki oy ichida quruqlikdagi qo‘shinlarni, xususan, 25-umumqo‘shin armiyasini kuchaytirish uchun yangi yirik tuzilmalarni shakllantirishni boshladi. Bu haqda Buyuk Britaniya Mudofaa vazirligi razvedka ma’lumotlariga tayanib xabar qilmoqda.

Foto: Ms

Mahkamaning navbatdagi hisobotida aytilishicha, Ukrainadagi to‘liq miqyosli harbiy harakatlar paytida Rossiya asosan allaqachon tuzilgan tuzilmalarni to‘ldirish uchun yoki hududiy mudofaa piyoda polklarining bir qismi sifatida safarbar qilingan zaxirachilardan foydalangan.

Umumqo‘shin armiyalari kabi yangi tuzilmalar kamdan-kam hollarda tuzilgan. 2022 yilning yozida tashkil qilingan 3-armiya korpusi bundan mustasno bo‘lib, u, London ma’lumotlariga ko‘ra, umuman olganda, yaxshi natija ko‘rsatmagan.

Britaniya razvedkasi Rossiyaning har qanday yangi tuzilmasi Ukrainada zaxira kuchi sifatida joylashtirilishi mumkin, deb hisoblaydi. Biroq uzoq muddatda Moskva NATOga qarshi kuchlarini kuchaytirishga intilmoqda.

Buyuk Britaniya Mudofaa vazirligining xulosasiga ko‘ra, yangi keng ko‘lamli safarbarlik to‘lqinisiz, Rossiya hatto bitta yangi armiya yaratish uchun yetarli darajada yangi harbiy xizmatchilarni topa olmaydi.

#London #Rossiya