Turkiya Isroilni xorijdagi HAMAS yetakchilariga «ov boshlashdan» ogohlantirdi

Avvalroq, Isroil rasmiylari HAMAS harakatining xorijdagi a’zolarini ham nishonga olishini ma’lum qilgan edi.

Foto: Anadolu

Turkiya Isroilni HAMAS yetakchilariga Falastin hududidan tashqarida, jumladan Turkiyada ham «ov boshlashga» urinsa, bu «jiddiy oqibatlarga» olib kelishi mumkinligidan ogohlantirdi. Bu haqda razvedka xizmati xodimiga tayanib, Reuters xabar berdi.

«Isroil rasmiylarining bayonotlaridan kelib chiqib, suhbatdoshlarimizga tegishli ogohlantirishlar berildi va Isroilga bunday harakatlar jiddiy oqibatlarga olib kelishi aytildi», deb Turkiya razvedkachisi so‘zlarini keltirdi BBC.

O‘tgan hafta Amerika matbuoti Isroil razvedkasining xorijda yashovchi HAMAS yetakchilarini yo‘q qilish rejalari haqida xabar bergan edi.

3 dekabr kuni Isroilning jamoat televideniyesi ichki xavfsizlik xizmati Shin-Bet boshlig‘i Ronen Bar so‘zlarini keltirdi. U Isroil davlati Livan, Turkiya va Qatarda yashovchi HAMAS a’zolarini nishonga olishini, bunga yillar talab qilinsa ham baribir bajarilishini tak’idlagan edi.

Tayyorlagan: Сардор Юсупов

#Turkiya #Isroil #Falastin #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.