Özbekiston birinçi prezidentining qizi Gulnora Karimova qator jinoyatlari bilan davlatga yetkazgan zararga tovon ölaroq musodara qilingan «Sijjak» maskani sotilmoqda. Rasmiylar jurnalistlarni toğlar bağridagi bu koşona bilan tanişişga taklif qildi.
Oromgoh Toşkent viloyatining Böstonliq tumanida, dengiz sathidan 959 metr balandlikda, Pskem daryosi vodiysining öng qirğoğida joylaşgan.
Yer uçastkasining umumiy maydoni – 5,4 gektar. Bino va inşootlar jami maydoni 5016,1 kv.m.
Kompleks hududida mehmonxona, kottejlar, oçiq va yopiq basseynlar, tennis korti, sport zallari va boşqa inşootlar bor.
«Sijjak» oromgohi Gulnora Karimovadan 2017 yil fevralida, sud ajrimi bilan musodara qilingan edi. Keyinçalik bu maskan Triatlon federatsiyasiga vaqtinça tekin foydalanişga berilgandi.
Prezidentning 2021 yil 11 fevraldagi «Davlat aktivlarini xususiylaştirişni yanada jadallaştiriş çora-tadbirlari töğrisida»gi farmoniga asosan, «Beldirsoy» oromgohi va boşqa bir neçta obektlar qatorida tayyor biznes şaklida investorlarga sotilmoqda.
Davlat aktivlarini boşqariş agentligi ommaviy savdolarda iştirok etiş uçun arizalarni 2021 yil 30 aprelgaça qabul qiladi.
