2022 yilda Global ochlik indeksida eng yaxshi deb topilgan mamlakatlar orasida O‘zbekiston 21-o‘rinni egalladi. Belarus, Bosniya va Hersegovina, Chili davlatlari reytingda eng yuqori pog‘onada bo‘lsa, eng kichik ko‘rsatkichlar Madagaskar, Markaziy Afrika Respublikasi va Yaman mamlakatlarida kuzatilmoqda.
Joriy yilda Global ochlik indeksda 121 ta mamlakat ishtirok etdi. Mazkur indeksda O‘zbekiston eng yaxshi deb topilgan mamlakatlar orasida 5,6 ball bilan 21-o‘rinni egalladi. Ushbu ma’lumot Global ochlik indeksi rasmiy saytida taqdim etilgan.
Ushbu ko‘rsatkich mamlakat oziq-ovqat yetishmovchiligiga duchor bo‘lmasligini anglatadi. Mazkur indeks ko‘rsatkichi 2000 yilda — 24,2; 2007 yilda — 15,4; 2014 yilda — 8,3 bo‘lgan.
Global ochlik indeksining yetakchi pog‘onalarida Belarus, Bosniya va Hersegovina, Chili davlatlari joylashgan. Eng kichik ko‘rsatkichlar Madagaskar, Markaziy Afrika Respublikasi va Yaman mamlakatlarida kuzatilmoqda.
MDHning qolgan davlatlari quyidagi o‘rinlarni egalladi:
Qozog‘iston — 24;
Rossiya — 28;
Armaniston — 32;
Ozarboyjon — 36;
Ukraina — 36;
Qirg‘iziston — 40;
Tojikiston — 67.
Bu indeks har bir mamlakat uchun to‘rtta ko‘rsatkichni jamlash orqali aniqlanadi: to‘yib ovqatlanmaydigan aholi ulushi; besh yoshgacha bo‘lgan vazni me’yordan past bolalar ulushi; besh yoshgacha bo‘lgan bo‘yi me’yordan past bolalar ulushi; besh yoshgacha bo‘lgan bolalarning o‘lim darajasi.
Global ochlik indeks ko‘rsatkichlari mavjud bo‘lmagan mamlakatlar va ba’zi bir yuqori daromadli mamlakatlar, aholisi kam mamlakatlar va mustaqil bo‘lmagan hududlar uchun hisoblanmagan.
