Manba yong‘in qaysi binosida sodir bo‘lganini ma'lum qildi

Bugun kunning ikkinchi yarmida Toshkentning Chilonzor tumanida, «Mirzo Ulug‘bek» metro bekati yaqinidagi binoda yirik yong‘in yuz berdi.

«Kun» muxbirining voqea joyidan xabar qilishicha, yong‘in Oliy xo‘jalik sudi binolaridan birida ro‘y bergan.

Bundan oldingi xabarlarda yong‘in sud binosiga yondosh joylashgan Toshkent viloyati prokuraturasi binosida ro‘y bergani aytilgandi. Alanga chiqqan vaqtda bino ichida odamlar bo‘lgandi, aynan qancha odam bo‘lgani aniq emas, yong‘in tufayli jabrlanganlar bo‘lishi mumkin.

Yong‘in juda kuchli bo‘lgan, ayni vaqtda ham bino tutun burqsimoqda. Hududda o‘t o‘chiruvchilar ishlamoqda.

Ma'lum muddat yo‘llar yopilgan.

Yong‘in sababi noma'lum qolmoqda. Yong‘in keltirgan talofatlar miqdori ham ma'lum emas.