O‘zbekiston va Turkmaniston o‘rtasida muntazam avtobus yo‘nalishlari ochiladi

O‘zbekiston va Turkmaniston o‘rtasida muntazam avtobus yo‘nalishlari ochiladi. Bu haqda transport-logistika sohasida hamkorlik masalalari bo‘yicha xorijiy davlatlar bilan muzokaralar o‘tkazishga oid tadbirlar rejasida aytiladi.

Xususan, Turkmaniston tomoni bilan milliy tashuvchilar haydovchilari uchun ko‘p martalik vizalar olish jarayonini soddalashtirish bo‘yicha muzokaralar o‘tkaziladi.

Shuningdek, ikki mamlakat o‘rtasida muntazam avtobus yo‘nalishlarini ochish masalasi ham ko‘rib chiqiladi.

Amalga oshirish muddati - 2019 yil 1 may. Mas'ullar - TIV, Transport vazirligi.