Qabul-2020: Fanlar majmuasi va kasbiy (ijodiy) imtihon olinadigan yo‘nalishlar ro‘yxati tasdiqlandi

Pandemiya sababli, bu yilgi test sinovlari istisno tariqasida majburiy fanlarsiz, faqat tanlangan bakalavriat yo‘nalishlariga mos 2ta mutaxassislik fanidan o‘tkaziladi.

Abituriyentlar ikkita fandan 30tadan, jami 60ta test topshirig‘ini bajaradilar. Birinchi blokdagi fan bo‘yicha har bir to‘g‘ri javobga 3,2 ball, ikkinchi blokda 3,1 baldan beriladi. Maksimal ball 189ga teng.

Fanlar majmuasi bilan quyidagi pdf faylni yuklab olish orqali tanishish mumkin:

• Qabul-2020: Ta'lim yo‘nalishlariga mos fanlar majmuasini ko‘chirib olish (.pdf)

Bu yildan boshlab abituriyentlar hujjat topshirishda 5ta yo‘nalishni tanlashlari mumkin. Bunda birinchi (3,2 ball) va ikkinchi (3,1 ball) fanlar bir-biriga mos bo‘lishi talab etiladi.

Harbiy OTMlarga kirish imtihonlarida test olinadigan fanlar majmuasi ham belgilandi:

Bakalavriatning quyidagi 13ta ta'lim yo‘nalishiga o‘qishda kirishda bitta fandan test va kasbiy (ijodiy) imtihonlar o‘tkaziladi:

132ta yo‘nalishda esa abituriyentlar test sinovlarisiz, faqat kasbiy (ijodiy) imtihonlar orqali o‘qishga qabul qilinadi.

Davlat komissiyasining 2020 yil 1-son bayoni bilan, 2020/2021 o‘quv yili qabulida:

• kasbiy (ijodiy) imtihonlar dasturlarini bakalavriat ta'lim yo‘nalishlari xususiyatidan kelib chiqib soddalashtiriladi;
• abituriyent kasbiy (ijodiy) imtihon uchun bir marta keladi va ortiqcha vaqt sarflamasdan topshirishi ta'minlanadi;
• test sinovlari bilan bir qatorda o‘tkaziladigan kasbiy (ijodiy) imtihonlar shu yilning 25 iyuligacha o‘tkaziladi;
• alohida iqtidor talab etiladigan ta'lim yo‘nalishlari kirish imtihonlari 25 iyuldan 20 avgustgacha o‘tkaziladi;
• kasbiy (ijodiy) imtihonlar videokuzatuvlar orqali qat'iy nazorat qilinadi va internetda jamoatchilik kuzatuvi ta'minlanadi.

Ko‘p balli tizim bo‘yicha imtihonlar hamda test sinovlari asosida amalga oshiriladigan va o‘qitish qozoq, turkman va qirg‘iz tillarida olib boriladigan ta'lim yo‘nalishlari ro‘yxati ham tasdiqlandi:

Endilikda o‘qitish tojik tilida olib boriladigan ta'lim yo‘nalishlariga o‘qishga kirishda kasbiy (ijodiy) imtihonlar o‘rniga test sinovlari olinadi.