Tadbirkorlarning energiya resurslaridan foydalanish holati tekshiriladi 

“Kuz-qish mavsumida iste’molchilarni avtobenzin mahsulotlari bilan uzluksiz ta’minlash va ular narxlari keskin oshishi oldini olish chora-tadbirlari to‘g‘risida”gi prezident qarori qabul qilindi.

2022 yil 10 dekabrdan 2023 yil 1 martgacha import qilinadigan, mahalliy korxonalar tomonidan ishlab chiqariladigan va tadbirkorlar tomonidan yakuniy iste’molchilarga sotiladigan AI-80 avtobenzin uchun, istisno tariqasida, aksiz solig‘i “nol” stavkada qo‘llanadi.

2022 yil 10 dekabrdan 2023 yil 1 aprelgacha prezident huzuridagi tadbirkorlar huquqlari va qonuniy manfaatlarini himoya qilish bo‘yicha vakil bilan kelishmasdan tadbirkorlarni ular moliyaviy-iqtisodiy faoliyatiga aralashmagan holda energiya resurslaridan noqonuniy va samarasiz foydalanish holatlari bo‘yicha tekshirishga ruxsat berildi.

Tekshiruvlar natijalari bo‘yicha avtobenzin mahsulotlari ortiqcha yo‘qotishlariga va talon-torojliklarga yo‘l qo‘ygan mansabdor shaxslarga qonunchilikda belgilangan jazo choralarini qo‘llash, ular faoliyatiga huquqiy baho berish yuzasidan huquqni muhofaza qiluvchi organlarga taqdimnomalar kiritiladi.