Tomdi tumanida «oltin izlovchilar»ga «homiylik» qilmoqchi bo‘lgan profilaktika inspektori qo‘lga olindi

Davlat xavfsizlik xizmati xodimlari tomonidan o‘tkazilgan tezkor tadbirda, Navoiy viloyati Tomdi tumani ichki ishlar bo‘limi profilaktika inspektorining noqonuniy harakatlariga chek qo‘yildi.

IIB xodimi davlat zaxirasiga olingan hududda tarkibida oltin bo‘lgan ruda qazib olish uchun sharoit yaratib, huquq-tartibot idoralari tomonidan bo‘ladigan reyd tadbirlaridan ogohlantirib turish evaziga mahalliy fuqarodan 30 ming AQSh dollari talab qilib, 15 ming AQSh dollari olgan vaqtida ushlandi.

28 iyun kuni Farg‘ona viloyatida prezident raisligida o‘tkazilgan yig‘ilishda jinoyatchilikka qarshi kurashishda sustkashlikka yo‘l qo‘ygan o‘ndan ortiq tuman IIB boshliqlari ishdan olingandi, ular orasida Tomdi tumani IIB boshlig‘i Rustam Ro‘ziyev ham bor edi.