Qoraqalpog‘istonda yuz bergan YTH oqibatida haydovchi va yo‘lovchi vafot etdi

Qoraqalpog‘iston Respublikasining Qorauzoq tumanida 1 iyun kuni Amudaryo tumani Xitoy mahallasida yashagan, R.O‘. “Neksiya-3”, rusumli avtomashinasini A-380 “G‘uzor-Buxoro-Nukus-Beyneu” yo‘lining 681-km.da haydab ketayotib boshqaruvni eplay olmasligi tufayli  yo‘l chetiga ag‘darilib ketgan. 

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Qayd etilishicha, hodisa oqibatida haydovchi R.O‘. va uning bir nafar yo‘lovchisi olgan jarohatlaridan voqea joyida vafot etgan hamda yana bir yo‘lovchisi, jarohat bilan kasalxonaga yotqizilgan.

Eslatib o‘tamiz, avvalroq Surxondaryoda yuz bergan yo‘l-transport hodisasi oqibatida ikki kishi halok bo‘lgandi.